Халлаан сырдаатаҕына,
Күммүт күндээрэр,
Чыычаах ыллаатаҕына,
Күөнэх күөрэйэр.
Дьоллоох күнүнэн,
Дойдум, айхаллан!
Муус устар 12 күнүгэр Күөрдэм нэһилиэгэр «Сандал сааһы уруйдаан!» норуот күүлэйэ буолан ааста. Сылаас күннээх ылааҥҥы күн туран дьон-сэргэ тоҕуоруһа муһунна. Тэрээһин сэргэхтик түөлбэлэр икки ардыларыгар «Сааскы эстафетанан» саҕаланна Аргыс түөлбэ салайааччы Айталина Львова уонна Сарыал түөлбэ салайааччы Олеся Александрова кыттыыны ыллылар. Түөрт түһүмэхтээх күрэххэ Аргыс түөлбэ бастакы миэстэни, Сарыал түөлбэ иккис миэстэни ыллылар. Ону сэргэ «Бэртээхэй блины» күрэҕэ, оҕолорго «Хаар киһи», «Симэммит салааска» күрэхтэргэ кытыннылар. Үөрүүлээх күн сүрүн күрэхтэһиитинэн СР Аҕа уонна Оҕо күннэригэр аналлаах «Аҕа күрэҕэ» тыҥааһыннаахтык ааста. Кыттыыны ыллылар 4 дьиэ кэргэн. Күрэх 6 этаптаах билиһиннэрии, эстафета хайыһардаах сүүрүү, ытыы, ыйытыктарга эппиэттээһин, мас эрбээһинэ, мас хайытыы, чэй өрүү. Күрэх түмүгүнэн «Дьулууурдаах дьиэ кэргэн» анал аатын Максим, Егор Ефимовтар, 3 миэстэҕэ Руслан, Роман Скрябиннар, 2 миэстэҕэ Кирилл, Анатолий Петровтар уонна 1 миэстэни Александр, Тускун Алексеевтар. Кыттааччылар бука бары илии тутуурдаазх өттүк харалаах бадылар. Күрэхтэһии сүрүн спонсордарыгар улахан махталбытын тиэрдэбит. Ивановтар дьиэ кэргэн аҕаларын спортсмен, дьиэ тутааччы, булчут элбэх оҕолоох дьиэ кэргэн аҕата Павел Алексеевич Иванов аатын үйэтитэн Спортмастер маҕаһыынтан сыаналаах бирииһи туруордулар, Федоровтар дьиэ кэргэн тапталлаах аҕаларын, эһээлэрин «Хаҥалас хапсаҕайа 2010 с.» бэтэрээннэргэ абсолютнай чемпиона, дьиэ тутааччы, спортсмен, ат сүүрдээччи, 2005 с. республикаҕа Аҕа күрэҕин кыттыылааҕа Иван Павлович Федоров аатынан 10 000 тыһ. суммалаах бирииһи дьиэ кэргэнэ олохтоото. Ону тэҥэ А.М.Сидорова аат. Ситим КК ДНС маҕаһыынтан 10 000 тыһ.солк. суммалаах бириис уонна нэһилиэк Аҕа сүбэтэ 5 000 тыһ. солк. харчынан бириис туруордулар. Хас биирдии кыттааччы сүргэлэрэ көтөҕүллэн, астынан, махтанан бардылар. Аны да маннык тэрээһин үрдүк таһымнаахтык буоллун, кыттааччы элбээтин диэн баҕа санааларын эттилэр.
Майя Свинобоева
