Ылдьаа Хоточчу хоһоонун ааҕыҥ, сэргээҥ... Кыайыы күнэӨрүүтүн арахпат өрөгөй аргыспыт,Өстөөҕү самнаран үрдээбит бу күммүт,Өй-санаа күүрүүтүн муҥутуур чыпчаала,Өлбөөрбөт бу кыайыы уостубат үөрүүтэ.Ама да билигин ааспытын иннигэрАана суох амырыын алдьархай ааҥнаабыт,Адьарай өстөөхтүүн хабырдык хапсыһарАрхааннаах ол сыллар ыардарын саныыбыт.Саныыбыт алааһар эргиллэн кэлбэтэхСэриигэ хорсуннук охтубут буойуну,Сибиньиэс ардахтан саһары билбэтэхСаханы ааттаппыт хоһуунай саллааты.Өлөрү кыайбыттар мэлдьитин өйдүүллэрЭрэйи тэлбиттэр бигэтик билэллэр,Төһөлөөх аһыылаах ыарахан сыананнан,Бу кыайыы үөрүүтэ биһиэхэ кэлбитин.Бааллара эрэттэр кыраҕы харахтар,Сүүһүнэн сидьиҥи сууһарбыт бэргэннэр,Өлүүнү эрдээхтик утары көрбүттэр,Өрөгөй кыайыыны ситиспит өрүөллэр!Уруйдуу туойуоҕуҥ кыайыыга тиэрдиспитУрааҥхай удьуорун сахабыт ньургунун,Туойуоҕуҥ барыбыт үөрүүлээх күнүгэр,Тэлимнии тэлээрэр кыайыыбыт былааҕын.Туймаада үрдүнэн оһуохай дьиэрэйэрТоҥолох ылсыһан түһүлгэ эргийэр,Кыайыыбыт бу күнүн иккистээн эргитэн,Күн тахсар сарыала саҕахха садаарар.Ылдьаа,Хоточчу.