2026 сыл — Арассыыйаҕа Норуоттар Сомоҕолоһууларын, Саха Өрөспүүбүлүкэтигэр Култуура Сыла, Хаҥалас Улууһугар Сомоҕолоһуу Уонна Айан-Тутан Тмсүүлээх Буолуу, 2-Дьөппөн Нэһилиэгэр ТУПСАРАН ОҤОРУУ сыллара биллэриллибиттэрэ.
«Төрүт сирим – Дьөппөнүм Куппун туппут биһигим, Дьолу тутар түһүлгэм Үүнэр – сайдар мин түөлбэм…» — Галина Иванова – Айтыына Уран
Өбүгэлэрбит самаан сайын салаллыытын тоҕус томторҕолоох тоҕой сэлэни анньан, чороон айаҕы чуоҕутан, кэриэн ымыйаны кэккэлэтэн, арыылаах кымыһынан арчылаан көрсөр, бар дьонугар маанылаах ыһыаҕын ыһар, түһүлгэни тэрийэн үтүө үгэстэрин тэнитэн, бэс ыйын 27 күнүгэр 2-Дьөппөн уйгу-быйаҥ ыһыаҕа тэрилиннэ! — Ыччаттардыын ыксалаһан, эмэннэрдиин эҥэрдэһэн, үрдүк үөрүү үктэллэнэн түһүлгэҕэ түмсэн Самыртай саҕаттан салҕаммыт, Дьоҕуудай кэмиттэн тэнийбит, 2-с Дьөппөн нэһилиэгин удьуор уустара, халыҥ аймахтара, нэһилиэк тумус туттар тутаах дьоно, туруу үлэһиттэрэ тоҕуоруһа муһуннулар! Саамал кымыс ыһыаҕар Саха дьоно ыҥырар, Уйгу быйаҥ ыһыаҕар Күөрдэм сирэ угуйар… Түптэ унаар күөх буруотугар ыраастанан, кытыан от күөх унаар буруотугар арчыланан, орто дойду маанылаабыт ытык көтөрө – кыталык барахсан ыраас, кэрэ куолаһа күөх халлаҥҥа эйээрдэ. Айыылартан көрдөһөн алгыс ылар түһүлгэбитин ыраастаан – Аар Айыы Итэҕэлин Алгысчыта – Тимофеева Тамара Тимофеевна алгыс сиэрин-туомун толордо. Эрэкэ-дьэрэкэ оҕолор ыһыах дьонун үөрүүгэ көҕүлээн, Аан Алхчын Хотун тойугун туойан, сиэр-туом ситтэ. Күөрдэмнээҕи норуот тыйаатыра «Айар аартыктаах култуура үтүөкэн дьоно» диэн театрализованнай дьүһүйүү көрдөрдө. Дьүһүйүү Күөрдэм нэһилиэгин култууратын сайдыытын хронологиятынан турда, кэлэктиип артыыстара, «Кынат» театральнай куруһуогун оҕолоро көхтөөх кыттыыны ыллылар. Көрө үөрэр күндү ыалдьыттарбытын, урааҥхайдыыр саха омук үтүө үгэһин тутуһан, үс саха испит уохтаах кымыһынан айах туттан күндүлээтилэр! «2-с Дьеппен нэһилиэгэ» ТСП баһылыга Петухова Ольга Аполлоновна нэһилиэгин дьонугар-сэргэтигэр, ыһыах бары ыалдьыттарыгар эҕэрдэ тылын анаата, махтал суруктары туттарда. Ону тэҥэ СӨ Ил Түмэн государственнай мунньаҕын депутата, Россия наукатын академиятын Сибиирдээҕи салаатын Дьокуускайдааҕы научнай киин салайааччытын сүбэһит Скрябин Тихон Николаевич биир дойдулаахтарын ытык ыһыаҕынан эҕэрдэлээн Ил Түмэн аатыттан грамоталары туттарда. Ити курдук, дьоһун-мааны туруу үлэһит дьоммутунан киэн туттабыт, инники күөҥҥэ илдьэ сылдьабыт. Уйгу-быйаҥ ыһыахпыт өрөгөйдөөх түһүлгэтигэр үмүөрүһэ хаамсан, тоҕуоруһа мустан оһуохайдыыр оонньууну оройуттан туттулар! Аҕа дойду Улуу сэриитин кыттыылааҕа, Албан аат уордьан кавалера, биир дойдулаахпыт Захаров Никита Ильич – Микииттэ үтүө аатынан 8-с төгүлүн ыытыллар Улахан Оһуохай көрүү-күрэх түһүлгэтэ төрүттэннэ. Бастыҥ оһуохайдьыт – Лариса Константинова Түһүлгэлээх оһуохайдьыт – Варвара Павлова Уран тыллаах оһуохайдьыт – Инна Захарова ону сэргэ Любовь Лебедева, Людмила Артамонова Кыһыл Үргүйэттэн көхтөөх кыттыыны ыллылар. Оҕолорго Тимур Ефимов, Дариана Свинобоева, Ильдар Крылов, Арылхан Лебедев, Күннэй Винокурова, Карина Захарова, Валя Лебедева кыттыннылар. Бу үтүө кэскиллээх эһиэхэйбит, үтүө түөрэхтэнэн, сылтан сыл түһүлгэтэ кэҥии туруоҕар баҕарабыт. Култуура сылыгар аналлаах киин ураһаҕа “Ситим” КК, Модельнай библиотека уонна Р.К.Захаров аат. “Самыртай” түмэлин ситиһиилэрин кэрэхсиир “Айар суол аартыгынан” быыстапка турда. Күнүскү омурҕан кэмигэр ытык ыһыах ыалдьыттарын, бар дьонун баай барыылаах байанай сааскы сыа-сым булдуттан КУС МИИНИНЭН күндүлээтилэр! Уруу, аймах – билэ дьон түмсэн, бэйэ-бэйэлэрин ыҥырсан түһүлгэнэн олорон ыьыах аһын үөрэ-көтө амсайдылар! Фольклор күрэҕэр Өркөн Скрябин, Милана Скрябина, Тургун Винокуров, Эдгар Никифоров кыттыыны ыллылар. “Ситим” КК методиһа СР культуратын туйгуна Майя Скрябина “Күн мичээрэ” оҕолорго үҥкүү түһүлгэтин көҕүлээн ыытта. Кыайыылааҕынан Айаал Устинов буолла.
11:49
“Саха мааны таҥаһын” түһүлгэтигэр, талба талааннаах иистэнньэҥнэр, кэрэни айан таһаарар ураты көрүүлээх, дьоҕурдаах, көмүс тарбахтаах кэрэ мааны Далбар Хотуттар Аргунова Анна Петровна, Эверстова Раиса Афанасьевна, Мальцева Светлана Владимировна, Михайлова Нина Андреевна кыттыыны ыллылар. Хаарыаннаах саха мааны симэҕин-таҥаһын харыстаммакка таҥныбыт, ханаҕар быһыылаах хатыҥ дьахталлар, ханыылаһа-ханыылаһа, хартыына курдук, хонолдьуһа хаамсан хapaҕы сымнаттылар. Уйгу-быйаҥ Ыһыаҕы уруйдуур “Саамал кымыс ыһыаҕынан” эҕэрдэ концертка нэһилиэк талааннаахтара Өркөн Скрябин, Диана Захарова, Тургун Захаров, Нарыйа Говорова, Дайан ВИА салайааччы Валерий Кузьмин, культура үлэһиттэрин “Ситим” вокальнай ансаамбыл, «Күрүлгэн” үҥкүү бөлөҕө кыттыыны ыллылар. “Сырдыгы ыралыыр – кэрэни кэрэхсиир” култуура сылыгар аналлаах дьиэ кэргэн күрэҕэр Саргылаана, Михаил Скрябиннар, Марина, Николай Карамзиннар, Юлия, Иннокентий Прокопьевтар, Лена,Станислав Шадриннар кытыннылар. Бастакы түһүмэх “Дьиэ кэргэним култууратын куода” бэйэни билиһиннэрии, дьиэ кэргэн култуураҕа дьарыгын, уратытын туһунан кэпсээтилэр, иккис түһүмэх “Айар талаан”, үһүс түһүмэх “Өбүгэ үгэһинэн” спорт түһүмэҕэ. Аҕалар — сүүрүү, хомуур күрэҕэ – оҕо, Ыһыах санадалыта – ийэлэр астаан киэргэттилэр. Күрэх түмүгүнэн бастакы миэстэни Саргылаана, Михаил Скрябиннар — » Эгопласт» ХЭТ ПВХ тыы бирииһин генеральнай директор Соловьев Михаил Николаевич уонна «Уруу» ювелирнай компания генеральнай директор Куприянов Василий Егорович- дьахтар моойго кэтэр симэҕэ бириис. Иккис миэстэни Марина, Николай Карамзиннар «Naraada Village» эко-комплекс 6 миэстэлээх люкс номерга хонуктаах сынньалаҥҥа сертификат, үһүс миэстэни Юлия, Иннокентий Прокопьевтар — «Ат мыраан» сынньалаҥ киинэ (Андрей Анатольевич, Саргылана Терентьевна Варламовтар) — 1 хонуктаах сынньалаҥ сертификат, 4 миэстэни Лена, Станислав Шадриннар — «Офсет» бэчээт киинэ директор Дария Николаевна Скобелева- бэйэ бэчээтинэй продукциятын таһаарарга аналлаах 4 тыһ сертификат уонна А.М.Сидорова аат.”Ситим” КК 10 тыһ. ДНС маҕаһыынтан сертификаттары туттардылар. Үрүҥ тунах ыһыах култуурунай тэрээһиннэрин спонсордарын махтанан туран ааттыыбыт:
«Naraada Village» эко-комплекс 6 миэстэлээх люкс номерга хонуктаах сынньалаҥҥа сертификат.
«Ат мыраан» сынньалаҥ киинэ (Андрей Анатольевич, Саргылана Терентьевна Варламовтар бириистэрэ) — 1 хонуктаах сынньалаҥ сертификат
» Эгопласт» ХЭТ ПВХ тыы бирииһин туруорда генеральнай директор Соловьев Михаил Николаевич. » Уруу» ювелирнай компания генеральнай директор Куприянов Василий Егорович- дьахтар моойго кэтэр симэҕэ бириис туруорда.
2 Дьөппөннөөҕү мотористар түмсүүлэрэ уу харчынан 8 тыһ. солкуобай.
Фольклор күрэхтэрин көрүҥнэринэн А.М. Сидорова аат.»Ситим»КК ДНС сертификаттар. — Ыһыах түһүлгэтигэр былыр-былыргыттан саха дьоно бэйэ кыаҕын, күүһүн холонон көрөллөрө, быһыйтан –быһыйы, күүстээхтэн күүстээҕи булан үйэлэргэ хаалар норуот номоҕо оҥостон уостан-уоска түһэрэн кэпсииллэрэ. Оҕолорго уонна улахан дьоҥҥо быыппастар былчыҥнаах уоланнарын, эр бэртэригэр илии-атах оонньуутугар күрэхтэстилэр. Сымсаҕай быһыылаах, хапсаҕай харылаах, тирэхтээх тилэхтээх тустуук туйгуттара тустан дугдарыстылар. Күүстээхтэр мас тардыһан эрийистилэр, кытыгырастар сырсан сылыбыраһыстылар. Бар дьону маанылаатылар, Ыьыах дьонун ытыгылаатылар! Күрэхтэһии түмүгэ: Мас тардыһыы 70 кг. үөһэ 1 м. – Петров Анатолий 2 м. – Роман Егоров 3 м. – Василий Спиридонов 10 тыһ. харчынана бириис туруорда – Виктор Леонтьев Мас тардыһыы 70 кг. диэри 1 м. – Алексей Соловьев 2 м. – Айгылаан Сивцев 3 м. – Константин Бодров 10 тыһ. Харчынан бириис туруорда – СХПК “Сайдыы” Хапсаҕай 75 кг. үөһэ 1 м. – Василий Спиридонов 2 м. – Роман Егоров 3 м. – Александр Алексеев Хапсаҕай 75 кг. диэри 1 м. – Николай Соловьев 2 м. – Алексей Соловьев 3 м. – Данил Прокопьев Сүүрүү 1 м. — Анатолий Петров 2 м. — Николай Скрябин 3 м. – Михаил Скрябин 3*3 атах оонньуута 1 м. – Анатолий Петров 2 м. – Николай Скрябин
11:49
3 м. – Михаил Скрябин 3*3 атах оонньоуута 15 саастарыгар диэри 1 м. – Айаал Скрябин 2 м. – Кирилл Петров 3 м. – Иннокентий Припузов Хапсаҕай 7-11 саастаах оҕолор 1 м. – Давид Артемьев Хапсаҕай 12-14 саастаах оҕоолор 1 м. – Илья Петухов Хапсаҕай 15 – 17 саастаах оҕолор 1 м. – Илья Петухов Таас көтөҕүү 1 м. – Анатолий Петров 2 м. – Дмитрий Долгунов 3 м. – Егор Киприянов Кыттыыны ылбыт нэһилиэкпит үтүө-мааны олохтоохторугар, ытыктабыллаах ыалдьытттарыгар махталбытын тиэрдэбит. Бука барыгытыгар — дьиэ-кэргэҥҥэ дьолу-соргуну, үөрэххэ-үлэҕэ үгүс ситиһиилэри, күүтүүлээх күөх сайын дуолугар быстыбат быйаҥы, үтүө үүнүүнү, уостубат уйгуну баҕарабыт! А.М.Сидорова аат. “Ситим” КК уус-уран салайааччыта Майя Свинобоева.
