Бэс ыйын 15 күнүгэр А.М.Сидорова аат. Ситим КК улуустааҕы айар түмсүүлэр икки ардыларыгар ыытыллар «В ритме творчества» көрүү-күрэх кэнсиэрэ буолан ааста. Дьүүллүүр сүбэ Хаҥалас улууһун культураҕа уонна духуобунаска сайдыытын салалатата, салайааччы Варламова Фекла Романовна уонна салалта сүрүн специалистара Степанова Надежда Валерьевна, Максимова Изольда Степановна, Петров Максим Николаевич сыаналаатылар.
Ситим КК сүрүн сыала нэһилиэк олохтоохторун дьонун-сэргэтин көҕүлээн түмэр аналлаах. Ол курдук култуура киинин иһинэн 14 түмсүү үлэлиир. Оҕолорго, “Күрүлгэн” ыччат, “Оһуор” орто саастаахтарга, “Ретро-Данс” аҕам саастаахтарга үҥкүү дьарыгын Ситим КК методиһа Скрябина Майя Николаевна салайар. Ырыа дьарыгын о5олорго, орто саастаахтарга, “Ситим”, “Сугулаан” ырыа ансаамбылларын Ситим КК уус-уран салайааччыта Свинобоева Майя Егоровна ыытар. Фольклор уонна төрүт үгэс дьарыгын, Күөрэгэйдээх Күөрдэмнэр литературнай түмсүүнү Ситим КК директора Федорова Саргылана Семеновна салайар. Л.Я.Гермогенова аат. Күөрдэмнээҕи норуот театрын иһинэн үлэлиир оҕолорго Кынат оҕо театральнай кружогун, режиссер Александрова Олеся Викторовна салайан ыытар. Иккис Дьөппөҥҥө «Холумтан» түмсүү төрүт иис көрүҥнэрин сөргүтэн сахалыы таҥаһы, киэргэллэри, симэхтэри тигэр. Холумтаннар бары араас эйгэҕэ үлэлээбит ыал ийэлэрэ, эбэлэрэ айар дьарыктарыгар «Ситим» КК үөрэ-көтө мусталлар. Дария Семеновна Киприянова — култуура уонна үлэ бэтэрээнэ, «Холумтан» түмсүү салайааччыта, Любовь Николаевна Николаева- «Үлэ Албан аата» 3 истиэпэннээх уордьанын кавалера, Тыа хаһаайыстыбатын бэтэрээнэ, үлэни иилиир- саҕалыыр, күөттүүр киһинэн буолар. Онтон Галина Ивановна Иванова- Айтыына Уран -СР Үөрэҕириитин туйгуна, Саха Республикатын суруйааччыларын сойууһун чилиэнэ, Арктика искусствотын худуоһунньуктарын сойууһун чилиэнэ, СР ырыаһыт автордар сойууһун чилиэнэ, Хаҥалас улууһун норуотун маастара, Күөрдэм нэһилиэгин бочуоттаах олохтооҕо, педагог- маастар сүбэһит быһыытынан Холумтаннары үгүскэ үөрэтэр, көрдөрөр. Ойуулуур-дьүһүннүүр искусство – аан дойдуну уонна олоҕу кэрэһэлиир искусство көрүҥэ. Күөрдэм Кустуктара уруһуй түмсүүтүн Р.К.Захаров аатынан “Самыртай музей” комплекс научнай үлэһитэ Ефремова Февроньоя Ивановна салайан ыытар. Түмсүү кыттыылаахтара Түмэл сэдэх малларын уруһуйдаан сонун үлэлэр турдулар. Улуус, Республика араас быыстапкаларыгар кытыннылар. Ону сэргэ ситимнээх үлэни Быр.Николаевтар аат. 2-Дьөппөн орто оскуолатын уонна Е.В.Туласынова аат. «Туллукчаан» оҕо уһуйаанын кытта ыкса үлэлиибит. Концертка кыттыбыт 1 кылаас үөрэнээччилэригэр кылаас салайааччыта Гермогенова Валентина Герасимовнаҕа, 3 кылаас үөрэнээччилэригэр кылаас салайааччыта Егорова Ольга Петровнаҕа, 5 кылаас үөрэнээччилэригэр фольклорнай композиция салайааччытыгар Климентова Наталья Николаевнаҕа махталбытын тиэрдэбит. Айар үлэҕит ситиһиилээх уонна таһаарылаах буоллун!
Үтүө үлэһит дьонноох Күөрдэм нэһилиэгин олохтоохторо олохпут, нэһилиэкпит сайдарын туһугар күн ахсын өрө мөхсөн үлэлиибит, айабыт-тутабыт!
“Ситим” КК уус-уран салайааччыта Майя Свинобоева
