Кулун тутар 8 күнүгэр «Саргы түһүлгэтэ» ККуоНАДь  «Сыл ийэтэ» улуустааҕы күрэх буолан ааста. Күрэххэ 12 эдэр ийэ кытынна. Күөрдэмтэн  Юлия Семеновна Прокопьева күрэхтэстэ. Уонна «Сыл талааннаах ааты» ылла. Юлия Семеновна идэтинэн физкультура учуутала. Билигин «Туллукчаан» оҕо саадыгар физкультураны үөрэтэр. Үс оҕо күн күбэй ийэтэ. Юлия сатаабата диэн суох- истэнэр, баайар, быысабайдыыр, оҕуруолуур, гипсэнэн араас оҥоһуктары оҥорор, хаартыскаҕа түһэрэр. Ас арааһын астаан, оҥоһук кэрэтин оҥорон  ярмаркаларга кыттар, атыылаан дьиэ кэргэн дохуотун хаҥатар.

Юлия Семеновнаҕа, талааннаах кэрэ хотуҥҥа үрдүктэн үрдүк ситиһиилэри, айар талаана арыллан иһэригэр, чэгиэн-чэбдик доруобуйаны, оҕолоругар, дьиэ кэргэнигэр тулхадыйбат тулааһыны, энчирээбэт эркини баҕарабыт.

«Ситим» КК  коллектива