Бүгүн үөрүү күнэ үүннэ
Кыайыы күнэ күөрэйдэ!
Бүгүн Рейхстаг үрдүнэн
Бороҥ  куттаах тыл кээһэр!
Кыһыл былаах тиириллэн
Кыайыы тыла этиллэр!
Үҥкүү үктээн тирэнэ
Битии биэрэн тэбинэ
Үүммүт  дьолу үллэстэ 
Кыайыы күнэ күөрэйдэ!

Саргылана Федорова -Саргылана Сайын

Улуу Кыайыы күнүн 2 Дьөппөн олохтоохторо олохтоох радиобиэриинэн көрүстүлэр. «Ситим» КК үлэһиттэрэ «Уруйдан улуу Кыайыы» уус- уран композиция иһитиннэрдилэр. Дьөппөнтөн төрүттээх атын улуустарга үлэлиир ыччаттарбыт, олохтоох тыйаатыр артыыстарын ааҕыыларыгар хоһооннор кэккэлэстилэр.  Сэрии ветераннарыгар үйэлээх махтал, өйдөбүнньүк тыллара этилиннилэр. Тыыл ветераннарын,  сэрии оҕолорун ааттаан махтал тыллара дуорайдылар. Сарсыардаттан Кыайыы күнүн бэлиэтиир миитиҥҥэ, анал программалаах бырааһынньыкка ыҥырыы радионан санатыллан үгүс киһи кэллэ.

 Кыайыы күнүн көрсөр миитиҥҥэ СР ТХ бочуоттаах бэтэрээнэ, Социалистическай уонна Коммунистическай үлэ удаарынньыга, Үлэ, тыыл бэтэрээнэ  Марфа Ильинична Скрябина; СР Үөрэҕириитин туйгуна,Учууталлар учууталлара, СР үөрэҕириитин бочуоттаах бэтэрээнэ, Күөрдэм нэһилиэгин бочуоттаах олохтооҕо Вера Павловна Капустина; «Сэрии сылын оҕолоругар»- СР тыатын хаһаайыстыбатын, ветеринарнай сулууспатын уонна физическэй култууратын бэтэрээнэ, Күөрдэм нэһилиэгин бочуоттаах олохтооҕо Николай Тихонович Скрябин,  СР культуратын туйгуна, СР үтүөлээх артыыһа Степан Дмитриевич Петров уонна Күөрдэм нэһилиэгин бэтэрээннэрин түмсүүтүн салайааччыта Владимир Иванович Александров ахтыы – тыл эттилэр. Эдэр ыччаты, оҕолору харыстабыллаах сыһыаҥҥа, Ийэ дойдуга бэриниилэх буоларга ыҥырдылар. Оскуола үөрэнээччилэрин аатыттан сэрии өйдөбүнньүгэр гирлянда уурулунна,  11 кылаас үөрэнээччитэ –быйылгы үөрэх сылыгар «Ситиһии түһүлгэтигэр» Егор Николаевич Киприянов, Николай Николаевич Константинов, Леонид Николаевич Спиридонов ааттарынан стипендиялар стипендиаттара бастыҥ общественник, бастыҥ спортсмен Данил Прокопьев тыл эттэ, эҕэрдэлээтэ. Улахан кылаастар уолаттара маршировкаларын көрдөрдүлэр, 5 кылаас үөрэнээччилэрэ «Кыайыы күнэ» уус- уран ааҕыынан ветераннары эҕэрдэлээтилэр.

Кинилэр сэрии уоругар тиийэннэр

Кытаанах ыстаал ыстыык уһугунан

Мин оҕом киһи буолар суолун айдылар

Өлөрсүү кутаа уотугар киирэннэр

Кэлэр олох кэскилин дьолун туһугар

Чиэстээхтик охтон суох буоллулар.

Бу митиҥҥэ сэриигэ барбыт дьоммут, сэрии кэмигэр үлэнэн көмөлөспүт ветераннарбыт, сэрии кэмин оҕолоро ааттаннылар:Аҕа дойду Улуу сэриитигэр «Калинин», «Харыйалаах», «Андреев» 2- Дьөппөн нэһилиэгин үс холкуоһуттан 110 чулуу дьоммут уоттаах сэриигэ ыҥырыллыбыттара.  «Аҕа дойду сэриитин» уордьанынан  Күөрдэм нэһилиэгиттэн 11 байыас наҕараадаламмыта:

 1 степеннээх

 – Алексеев Иван Николаевич

2 степеннээх

 -Алексеев Нестер Федотович

—  Данилов Гаврил Гаврильевич

— Киприянов Егор Николаевич  2-с

— Лебедев Дмитрий Степанович

— Марков Алексей Саввич

— Николаев Егор Егорович

— Николаев Николай Егорович

— Сидоров Василий Федорович

— Федоров Игнатий Тимофеевич

3 степеннээх

— Федоров Яков Егорович

Сэрии толоонугар хорсун быһыыны көрдөрбут, «Албан Аат» уордьанынан наҕараадаламмыт  биир дойдулаахтарбыт:

— Федоров Яков Егорович

— Федоров Игнатий Тимофеевич

— Захаров Никита Ильич

Күөрдэм нэһилиэгин 7 байыаһа «Кыһыл Сулус» уордьанынан наҕараадаламмыттара. Ол иьигэр, Сидоров Роман Михайлович икки «Кыһыл Сулус» уордьаннаах. Хорсунун иһин мэтээлинэн 15 сэрииһит наҕараадаламмыта.  Бойобуой үтүөлэрин иһин мэтээлинэн 4 буойун бэлиэтэммитэ. Уот сэрии ардаҕын аннынан сылдьыбыт биир дойдулаахпыт Киприянов аҕа ууһун төрүттээччи Егор Николаевич Киприянов2 Кенигсберы, Берлины ылыы иһин, Варшаваны босхолооһун иһин наҕараадаларынан бэлиэтэммитэ.

  Биһиги ортобутугар үөрэ – көтө сылдьар тыыл ветераннара:

1. Скрябина  Марфа Ильинична

2. Николаева Зоя Митрофановна

3. Борисова Зоя Николаевна

4. Ефремов Николай Петрович

2 – Дьөппөҥҥө үлэлии, ыччат дьоммутугар сүбэ – соргу буолар тумус дьоммут – сэрии кэмин  оҕолоро:

1. Скрябин Николай Тихонович

2. Марков Владимир Устинович

3. Маркова Анна Павловна

4. Капустина Вера Павловна

5. Филиппов Владимир Ионович

6. Константинова Анна Егоровна

7. Федоров Гаврил Гаврильевич

8. Макаров Валерий Павлович

9. Петров Степан Дмитриевич

10. Артамонов Алексей Митрофанович

11. Беспалов Михаил Иванович

12. Тихонова Елизавета Николаевна

13. Маркова Анисия Семеновна

Бука бары ветераннары ааттаан, нөрүөн- нөргүйэн Ытык сирбитигэр сырыттыбыт. Ол кэннэ 2 Дьөппөн тэрилтэлэрин кыттыылаах «Улуу Кыайыыны уруйдуубут» кэнсиэр ыытылынна. Ветераннарбытыгар астаах сандалы тардыллан, дьон- сэргэ сэргэхсийэн, оҕолорун- сиэннэрин ырыаларынан- үҥкүүлэринэн дуоһуйа сынньанан тарҕастылар.