Ким билиэй хаһан Иэйии кэлиэҕин

Оргууй чүмэчитин ылан сипсийсиэҕин

Ким билиэй ханнык аанынан киириэҕин

Тыл оҕуруотун тиһэн иилиэҕин

Кулун тутар 21 күнүгэр бырааттыы Николаевтар ааттарынан орто оскуола үөрэнээччилэригэр анаан Поэзия күнэ ыытылынна.  Оҕолорго Шекспир, Анна Ахматова, Христофор Горохов  сонеттара, нэһилиэкпит айар дьоҕурдаах дьонун хоһоонноро ааҕылыннылар.

Мария Аркадьевна Михайлова, английскай тыл учуутала, Наталья Харлампьева  хоһооннорун сөбүлүүр. Бу күҥҥэ ааҕан иһитиннэрдэ. Наталья Николаевна Климентова, алын сүһүөх учуутала, кинигэҕэ киирбэтэх хоһооннорун билиһиннэрдэ. 2 Дьөппөн айылҕатын, кэрэ сирдэрин, ытык мааны сирдэрин туһунан айымньыларын  аахта. Варвара Романовна Павлова, физика учуутала «Күөрэгэйдээх Күөрдэмнэр» кинигэҕэ киирбит хоһооннорун ааҕан бэлэхтээтэ. «Ситим» КК коллектива олохтоох суруйааччыбыт Галина Ивановна Иванова- Айтыына Уран хоһооннорун  ааҕан иһитиннэрдилэр.

Түмүгэр, оҕолор дорҕоонтон тыл,  тылтан хоһоон хоһуйарга холоннулар. Поэзия күнүн үөрүүтүгэр   3 кылаас үөрэнээччитэ Өркөн Скрябин ырыа кэһиинэн кыттыста.