Олунньу 2 — 4  күннэригэр Мэҥэ — Хаҥалас улууһун Майа сэлиэнньэтигэр сэттис төгүлүн ыытыллар“Алыптаах мааска” норуот тыйаатырдарын бэстибээлэ үрдүк таһымҥа буолан ааста. Ону тэҥэ, Дмитрий Федорович Ходулов аатынан Майатааҕы норуот тыйаатыра төрүттэммитэ  60 сылын бэлиэтиир үбүлүөйдээх дьоро киэһэ эҕэрдэ тылларынан, баай- талым остуоллаах фуршетынан үөрүүлээх быһыыга- майгыга бэлиэтэннэ.  Бу бэстибээл норуот тыйаатырдарын өйүүр, түмэр, кинилэр айымньыларын дьоҥҥо-сэргэҕэ тиэрдэр, сырдатар сыаллаах ыытыллар.

Манна Саха сирин араас муннуктарыттан сүүмэрдиир тууру ааһан, 20 норуот тыйаатырдара кэлэн, искусство эйгэтин умнуллубат түгэннэрин бэлэхтииллэр. Ол курдук, Хаҥаластан, Кэбээйиттэн, Бүлүүттэн, Үөһээ Бүлүүттэн, Алдантан,Ньурбаттан, Сунтаартан, Тааттаттан, Уус-Алдантан, Намтан, Хатастан норуот тыйаатырдара кыттыыны ылан  олус интэриэһинэй испэктээкиллэри көрөөччүлэргэ бэлэхтээтилэр.

 Л. Я. Гермогенова аатынан Күөрдэмнээҕи норуот тыйаатыра С. С. Яковлев — Эрилик Эристиин «Соһуччу үөрүү» испиктээгинэн кыттыыны ылан үөрэн- көтөн илии тутуурдаах, өттүк харалаах кэллибит.

Дьүүллүүр сүбэ бэрэсэдээтэлэ — СӨ култууратын үтүөлээх үлэһитэ, «Алыптаах мааска» өрөспүүбүлүкэтээҕи норуот тыйаатырдарын көрүү күрэс ааптара Очосов Юрий Дмитриевич.Дьүүллүүр сүбэҕэ  П.А. Ойуунускай аатынан Саха Академическай тыйаатырын үлэһитэ, Россия тыйаатырдарын союһун чилиэнэ Осипова Надежда Осиповна; СӨ үтүөлээх артыыһа, СӨ культуратын туйгуна, П.А.Ойуунускай аатынан Саха Академическай тыйаатырын артыыһа Апросимов Михаил Михайлович; СӨ үтүөлээх үлэһитэ, СӨ култууратын туйгуна, СӨ култууратын үтүөлээх үлэһитэ, култуура уонна искусство колледжын уһуйааччыта Боппоенова Мария Гаврильевна; Өрөспүүбүлүкэтээҕи НАДь тыйаатырга сүрүннүүр үлэһитэ Захаров Алексей Константинович үлэлээтилэр.

7-с өрөспүүбүлүкэтээҕи «Алыптаах Мааска» норуодунай тыйаатырдар бэстибээллэрин күрэҕэр ситиһиилээх кыттыытын иһин өйдөбүнньүк бэлэхтэри туттардылар:

— Күөрдэмнээҕи норуодунай тыйаатырга. Режиссер — Олеся Александрова.

—  Уус-Алданнааҕы “Айыллаан” норуодунай тыйаатырга.Режиссер — Макаров Андрей.

—  Дириҥнээҕи норуодунай тыйаатырга. Режиссер — Кирилл Пестеров

—  В.П.Свинобоев аатынан Суоттутааҕы норуодунай тыйаатырга. Режиссер — Елизавета Портнягина

 — «Дебют» дьүүлүүр сүбэ анал аата – Сергей Волковка – Кузьма Николаевич оруолун иһин. “Дэриэбинэчээн” Кэбээйитээҕи норуодунай тыйаатыр. А.П.Чехов «Юбилей» комедия. Режиссер — Саргылана Иванова.

 — «Көрү көҕүлүттэн туппут артыыс» анал аат– Афанасий Андреевка – Уйбаан оруолун иһин. Майатааҕы “Көөчөөн көрө” норуодунай мини-тыйаатыр.  А.Паршин “Неровня”  уонна Аркадий Новиков сыаҥкаларынан “Былыыр-былыр уонна быйыл” испиктээх. Режиссер — Анна Охлопкова

  — «Саха респбуликатыгар оҕо саас сылынан» анал аат Х.И.Хартасова-Терентьева аатынан Дьаарханнааҕы норуодунай куукула тыйаатырыгар. В.Яковлев – Далан “Тулаайах оҕо” куукуланан испиктээх. Режиссер  – Линаида Терентьева.

-“Норуот тыйаатыра сайдыытыгар сүҥкэн кылаатын иһин” анал аат — П.А.Ойуунускай аатынан Тааттатааҕы норуодунай тыйаатыр. А.Е.Кулаковскай – Өксөкүүлээх Өлөксөй “Сүүһүн туолбут эмээхсин ырыата” моно-испиктээх. Режиссер — Валентина Бурнашева.

 — “Эксперимент — дьүүллүүр сүбэ бирииһэ” туттарыллар

Сунтаардааҕы норуодунай тыйаатырга. А.И.Софронов-Алампа “Таптал” драма.  Режиссер — Динислам Тууйас

 — “Көрөөччү биһирэбилэ” анал аат Намнааҕы норуодунай тыйаатырга. Иван Новиков“Семинария паартатыттан, автономия трибунатыгар”. Режиссер – Роман Герасимов

 — “Театральнай суруналыыстар уонна критиктэр бириистэрэ” анал аат Мария Владимироваҕа. “Сыккыс” Аллараа-Бэстээхтээҕи норуодунай тыйаатыр режиссеругар. Феврония Малгина олоҕуттан  “Улуктаах кэтэһии” пьесатын, моно-испиктээгин иһин.

— “Бэстибээл дирекциятын бирииһэ” Бүлүүтээҕи норуодунай тыйаатырга. Режиссер — Маргарита Соколова

 «Алыптаах Мааска» норуодунай тыйаатырдар бэстибээл-күрэстэр түмүгүнэн анал ааттар туттарылыннылар:

 — “Бастыҥ туруорааччы-худуоһунньук” анал аат Валерий Лобановка. Алтаннааҕы норуодунай тыйаатырга. Джек Лондон  “Аргонавт”. 

 — “Бастыҥ көстүүм худуоһунньуга” анал аат Хатастааҕы норуодунай тыйаатырга. Гоголь “Ревизор”. Режиссер — Евдокия Семенова.

  — “Бастыҥ уотунан киэргэтии” анал аат Үөһээ Бүлүүтээҕи норуодунай тыйаатырга. Николай Якутскай “Көмүстээх үрүйэ”. Режиссер – Сайыына Васильева

 — “Бастыҥ тыаһынан –ууһунан киэргэтии” анал аат Андрей Ивановка – Дьикти. Үөһээ Бүлүүтээҕи норуодунай тыйаатыр. Николай Якутскай “Көмүстээх үрүйэ”. Режиссер – Сайыына Васильева

 — “Бастыҥ балетмейстер/хореограф” анал аат Изабелла Лень. “Образ” Алданнааҕы норуодунай тыйаатыр. В.Сологуб “Беда от нежного сердца” водевиль-испиктээх. Режиссер —  Елена Воронкова. 

 — “Бастыҥ драматург” анал аат Василий Николаев — П. Решетников аатынан Чурапчытааҕы норуодунай тыйаатыр.

 — “Бастыҥ иккис былаан дьахтар оруола” анал аат Изабелла Ефимоваҕа – Өкүлүүнэ оруолун иһин. Ньурба улууһун Антоновка сэлиэнньэтин “Айуу, чэ” норуодунай тыйаатыр. Дмитрий Наумов “Таптал хампаанньата”. Режиссер – Ньургуйаана Матвеева

 — “Бастыҥ иккис былаан эр киһи оруола” анал аат Герман Ивановка – Күлүк Сүөдэр оруолун иһин.  Сунтаардааҕы норуодунай тыйаатыр. Алампа “Таптал” драма.  Режиссер — Динислам Тууйас.

 — “Бастыҥ дьахтар оруола” анал аат Ньургуйаана Кириллинаҕа – Феврония Малгина оруолун иһин. “Сыккыс” Аллараа-Бэстээхтээҕи норуодунай тыйаатыр. Феврония Малгина олоҕуттан  “Улуктаах кэтэһии” моно-испиктээх. Режиссер – Мария Владимирова.

 — “Бастыҥ эр киһи оруола” анал аат Максим Скворцовка – Александр Золотников оруолун иһин. Алданнааҕы норуодунай тыйаатыр. В.Сологуб “Беда от нежного сердца” водевиль-испиктээх. Режиссер —  Елена Воронкова. 

 — “Бастыҥ режиссер” – Данил Осипов. Д.Ф Ходулов аатынан Майатааҕы народнай тыйаатыр режиссера.

 — “Бастыҥ испиктээх” анал аат  П. Решетников аатынан Чурапчытааҕы норуодунай тыйаатырга. Иван Арбита “Долгуннар” пьесатынан  “Биэрэккэ поэт уол турбута”.  Режиссер – Василий Николаев.

                 Убаастабыллаах дьүүллүүр сүбэҕэ – Дмитрий Федорович Ходулов аатынан Майатааҕы норуодунай театр „Норуодунай“ аатын ылбыта 60 сылынан – Үбүлүөйдээх өйдөбүнньүк бэлиэни туттардылар.

Өрөспүүбүлүкэтээҕи норуот тыйаатырдарын «Алыптаах маска» бэстибээл ситиhиилээхтик барбытынан,  тэрийээччилэргэ, дьүүлүүр сүбэҕэ,  бэстибээл кыайыылаахтарыгар эҕэрдэбитин тиэрдэбит.

Норуоттан тахсар талааннар култуура сайдыытыгар бэйэлэрин кылааттарын киллэрэллэр, тыйаатыр диэн өйдөбүлү биэрэллэр, кэрэ эйгэтигэр сыһыараллар.

Олеся Александрова -Күөрдэмнээҕи норуот тыйаатырын режиссера.

                         Хаартыскаҕа: «Алыптаах мааска» бэстибээл түгэннэриттэн