Оҕо күнүгэр аналлаах 2 Дьөппөн орто оскуолатын ыһыаҕа ыам ыйын 31 күнүгэр культура сынньалаҥ паркатыгар ыытылынна. Төрөппүттэр сахалыы астаах -үөллээх түһүлгэлэрэ, ырыа-тойук эгэлгэтэ, үҥкүү-күрэх арааһа ыһыах силигин ситэрдэ.  Күн туран,  оонньуу-көр салҕанан, үөрүү-көтүү үксээтэ. Бэс ыйын 1 күнүгэр Е.В.Туласынова аатынан 25#дээх «Туллукчаан» оҕо саадыгар Оҕо көмүскэлин күнүгэр аналлаах Ыһыах ыһылынна. Кырачааннарбыт үҥкүүлэрэ-ырыалара төрөппүттэр, ыалдьыттар сүрэхтэрин сымнатта, харахтарын үөртэ.

Оҕолорго аналлаах түһүлгэлэргэ Акулина Михайловна Сидорова аатынан «Ситим» КК коллектива Ыһыах  туомун, арчыланыы сиэрин тэрийдэ. Оонньуулары, күрэхтэри ыытан бу күн үөрүүтүн үксэттэ. Кэскиллэрбит чуораан куоластарын, быһый сымса оонньууларын кэрэхсээтибит.

Күөрдэм үөрэх-иитии кыһаларын коллективтарыгар -2 Дьөппөн орто оскуолатыгар, «Туллукчаан» оҕо саадыгар саха  үгэһин тэнитэр, төрүт култуурабытын харыстаһар айымньылаах үлэлэрин иһин махтанабыт. Бу курдук сүбэ -соргу буолан, бары бииргэ үлэлии-хамсыы сылдьыах.  

Үүнүүлээх уйгу-быйаҥ сайын үүннүн, оҕолорбут, кэнчээри ыччаттарбыт чиҥ тирэхтээх, харысхаллаах буолан үүнэ-сайда, чэчирии турдуннар.