Оҕолор…
Оҕолор — чугдаарар чуорааннар
Чырыптыы чуопчаарар чыычаахтар,
Кырачаан чаҕылхай сулустар
Дьэрэкээн дьиэрэҥкэй кустуктар.
Кып-кыра күлүмнэс күнчээннэр
Сып-сырдык сыдьаайар ыйчааннар,
Чап-чараас чачыгыр күлүүктэр
Сып-сылаас минньигэс мичээрдэр.
Сирдээҕи кэрэчээн дьиктилэр
Эриэккэс сиэдэрэй симэхтэр,
Дьолунан толору чөмчүүктэр
Олоҕу суолталыыр ымыылар.
Айыыһыт бэлэҕэ-оҕолор
Үөрүүнү бэлэхтиир аанньаллар,
Сүрэхпит чопчута-оҕолор
Удьуору утумнуур кэскиллэр. (Острельдина Ольга Васильевна- Уокка)
диэн кэрэ тылларынан доҕуһуолланан оҕо площадкатыгар Оҕо көмүскэлин күнүгэр аналлаах тэрээһиммит саҕаланна. Тэрээһини мааны коляскалаах, велосипедтаах, самокаттаах оҕолор параадтаан киирэн киэргэттилэр. Бастакы Дьөппөнтөн Лада Борисова төрөппүттэрин кытта анаан – минээн оҥостон кэлэн араас күрэххэ кытынна. Уонна «Сир симэҕэ» диэн ааттаах велосипедын киэргэтэн бастакы миэстэни ылла. Мааны коляскалаах Захаровтар дьиэ кэргэттэрэ кэлэн оонньоон араас бириис кэһиилэннилэр. Ол кэннэ хамаанданан , биирдиилээн араас күрэхтэр тэрилиннилэр. Оҕо аймах ардах түһүөр диэри мэниктээн оонньоон бу күнү атаардылар.
Көхтөөх кыттыыны ылбыт дьиэ кэргэттэргэ махтанабыт.