Ахсынньы күнэ (бээтинсэ) — күөрдэмнээ5и норуодунай тыйаатыр төрүттэммитэ сылын бэлиэтиир дьоро киэһэ буолла бу күн үөрүүлээх быһыыга-майгыга, СахаРеспубликатын култууратын туйгуна, театры төрүттээччи, ахтар-саныыр күндү киһибит Л.Я. Гермогенова аата күөрдэмнээ5и норуодунай тыйаатырга иҥэрилиннэ бэтэрээн артыыстар, улуус култууратын салалтата, урукку кэмнэргэ тэҥҥэ үлэлэспит үөлэннээхтэр, Өктөм уонна Нөмүгү тыйаатырдарын делегацията — бары бииргэ мустан, үөрүү-көтүү үктэллээх умнуллубат үтүө киэһэни атаардылар. Ыалдьыттар дьокуускайтан, Покровскайтан кэллилэр, үгүс эҕэрдэлэр, ахтыылар этилиннилэр. театр бэриниилээх артыыстарыгар түөскэ анньыллар анал бэлиэлэри кытта удастабырыанньалары туттулар, араас бочуот грамоталарын, махтал суруктарын, бэлэхтэри туттулар. Л.Я. Гермогенова оҕолоро үс сылга биирдэ ийэлэрин аатынан улуустааҕы театральнай коллективтары көрүү-куонкурсун тэрийии туһунан тыл көтөхтүлэр, Л.Я. Гермогенова аатынан бастыҥ артыыска бириэмийэ олохтуулларын туһунан биллэрдилэр уонна ол киэһэ, театр биир бэриниилээх артыыһыгар Дмитриев Д.Н. бастакы бачыым бириэмийэни туттардылар. Тыйаатыр саҥа эдэр састааба сыана5а сүрэхтэннэ, Л.Я. Гермогенова аатынан күөрдэмнээ5и норуодунай тыйаатыр артыыстара буолбуттарын туоһулуур удастабырыанньа туттарылынна. Үрдүк үөрүү үктэллээх, үгүс үтүө өйдөбүллээх үбүлүөйдээх дьоро киэһэни бары да олус астыннылар, махтаннылар.Ттэрээһини «Хаҥалас ТВ» (и. уйгуров) кэлэн уһулла. Үтүөтүк саныыр доҕотторбут — Ноговицын П.Р., Руфов И.Н. ыалдьыттаатылар. Саха Республикатын конституционнай суутун председателэ А.Н. Ким-Кимэн уонна Республика театральнай деятеллэрин сойууһун эҕэрдэ суруктара үбүлүөйдээх киэһэ үөрүүтүн сүөм үрдэттэ. Бу дьоро киэһэбит тэрээһинигэр күүс-көмө буолбут дьоммутугар, тыйаатыр артыыстарыгар, күндү ыалдьыттарбытыгар махталбытын тиэрдэбит. Тыйаатыр айар аартыктара арылыннын, талааннара туругурдун!!!

Иванова А.Я. «Ситим» СК дириэктэрэ