Саҥа  2024 сылы 2 Дьөппөн нэһилиэгэ элбэх үөрүүлээх сонуннаах көрүстэ. Ол курдук нэһилиэк Аҕа баһылыга Константинов  Александр Николаевич СӨ физкультурнай хамсааһын тэриллибитэ үбүлүөйдээх 100 сылынан анал бэлиэлэри

1. Алексеев Иван Алексеевичка,   РФ ФК уонна СӨ үөрэҕириитин туйгуна, РФ уопсай үөрэхтээһинин бочуоттаах үлэһитэ, Хаҥалас Оҕо спортивнай оскуолатын Дьөппөннөөҕү филиалыгар өр сыллаах таһаарыылаах үлэтин иһин  1 степеннээх бэлиэ;
2. Исаков Петр Романовичка, СӨ үөрэҕириитин туйгуна, Хаҥалас Оҕо спортивнай оскуолатын Дьөппөннөөҕү филиалын теннискэ тренерыгар, 2 степеннээх бэлиэ;
3. Леонтьева Галина Дмитриевнаҕа, Хаҥалас Оҕо спортивнай оскуолатын Дьөппөннөөҕү филиалын үлэһитигэр 1степеннээх  бэлиэ;
4. Скрябин Эдуард Петровичка — Хаҥалас Оҕо спортивнай оскуолатын Дьөппөннөөҕү филиалын үлэһитигэр 3 степеннээх  бэлиэ туттартаата.

Ону таһынан «2-Дьөппөн нэьилиэгэ» МТ  Аҕа баһылыгын Бочуотунай грамотата бастыҥ үлэлээх коллективтарга  туттарылынна:

— Р.К Захаров аатынан «Самыртай» музей комплексыгар.  Сэбиэдиссэй М.И Захарова;

— А.М. Сидорова аатынан «Ситим» КК коллективыгар. Директор Федорова С.С.

2-Дьөппөн нэьилиэгэ» МТ  Аҕа баһылыгын  Махтал суруга

Спорду, чөл олоҕу пропагандалааччыларга туттарылынна:

1. Спиридонов Василий Семеновичка, Хаҥалас Оҕо спортивнай оскуолатын Дьөппөннөөҕү филиалын сэбиэдиссэйигэр, тустуу тренерыгар;
2. Платонов Николай Николаевичка Хаҥалас Оҕо спортивнай оскуолатын Дьөппөннөөҕү филиалын бокска тренерыгар;
3. Самсонов Федор Дмитриевичка, Дьөппөннөөҕү №8 дээх баһаарынай чааһын байыаһыгар.

Көхтөөх үлэни тэрийии иһин нэһилиэк түөлбэлэрин салайааччыларыгар:

«Эрчим » түөлбэ (сал.Федорова Каролина Петровна);

 «Чолбон» түөлбэ (сал.Михайлова Вероника Ильинична);

 «Аргыс» түөлбэ (сал.Решетникова Изабелла Ивановна);

«Сарыал» түөлбэ (сал.Александрова Олеся Викторовна)

Нэьилиэк култуурунай общественнай олоҕор  өрүү кыттар, көҕүлүүр культура ветераннарыгар Үбүлүөйдээх эҕэрдэ сурук туттарылынна:

1. Киприянова Дария Семеновнаҕа, Хаҥалас улууһун култууратын ветераныгар 70 сыллаах үбүлүөйүнэн.

2 . Новгородова Надежда Николаевнаҕа, СӨ култууратын туйгуна,   60 сыллаах үбүлүөйүнэн.

Быйылгы сылга үйэ аҥара  эн- мин дэсиһэн, өйөһөн – өйдөһөн олорбут дьиэ кэргэттэр  Дарья Павловна, Николай Васильевич Дмитриевтар; Муза Абековна, Руслан Семенович  Платоновтар буолаллар. Бу үөрүүлээх  Саҥа  дьыл киэһэтигэр кинилэргэ алгыс- эҕэрдэ тыл эриэккэһэ ананна.

Бу киэһэ норуодунай тыйаатыр режиссера В.А. Якимец туруоруутугар Д.Наумов “ Дьүкээбил уонна Кустук Куо ” остуоруйатынан олохтоох тыйаатыр артыыстара уонна эдэр ыччат кыттыылаах саҥа дьыллааҕы остуоруйа,  СР судаарыстыбаннай «Туймаада» ансаамбыл солиһа Андрей Шадрин кыттыылаах эҕэрдэ кэнсиэр истиҥ эҕэрдэ тыллар көттүлэр. Түөлбэлэринэн Саҥа дьыллааҕы олбуор күрэҕэр Никифоровтар, Захаровтар  дьиэ кэргэн бастаатылар. Дракон маскаҕа “Чолбон” түөлбэ бастаата. Сканди бөлөх түмсүүтэ маскараат күрэҕэр тэҥнээҕин булбата.

             Тохсунньу 1, 2 күннэригэр эдэр ыччакка Саҥа дьыллааҕы квест оонньуулар, дискотека тэрилиннэ.

Тохсунньу 3 күнүгэр Оҕолорго аналлаах Айтыына Уран тылбааһыгар “Сулус киһи кистэлэҥэ” остуоруйа, саҥа дьыллааҕы көрдөөх оонньуулар, Тымныы оҕонньор, Хаарчаана эҕэрдэтэ, күрэхтэр, анимациялар тэрилиннилэр.

Бу күн « Сундучок добра» “Ситим” КК тэрийэн ыытар элбэх оҕолоох дьиэ кэргэттэргэ анаан саҥа дьыллааҕы минньигэс бэлэхтэр  туттарылыннылар.

            Тохсунньу 7 күнүгэр РФ Дьиэ кэргэн  уонна СӨ Оҕо сылларын арыйар  «Ыллыыр- туойар үҥкүүлүүр дьиэ кэргэн» диэн дьоро киэһэ тэрилиннэ. Нэһилиэк туругун, олоҕун – дьаһаҕын акылаатын бас-көс дьиэ кэргэттэр оҥороллор. Ол курдук 2 Дьөппөн төрүт олоҕун халыҥ сис аймахтар тутан таһаарбыттара: Александровтар, Николаевтар, Сидоровтар, Адамовтар, Лебедевтар,  кэлин аттынааҕы тыалартан Алексеевтар, Марковтар, Скрябиннар, Ивановтар, Захаровтар, Киприяновтар, Михайловтар эбиллэн 2 Дьөппөн ырыаҕа ылланарыныы кэҥээтэр-кэҥээн, көнө – мааны донуулаах Күөрдэм сирэ диэн ааттанан  киэркэйбитэ. Бу ыаллар билигин да халыҥ аймах буолан хаҥаан кэҥээн нэһилиэк тутаах дьоно буолан олороллруттан сүргэбит көтөҕүллэр. Бу Дьиэ кэргэн сылын арыйар дьоро киэһэҕэ сис аймахтар ыллаан – туойан аастылар. Ол курдук Киприяновтар талааннаах аймахтары Майя Свинобоева ийэтинээн Дария Киприяновалыын бигэргэттилэр. Ыччат лидерэ Каролина Федорова, кэргэнэ Юристан Федоровтыын (МПЧ начальнига)уонна түөрт кыракый оҕолорунаан Саҥа дьыл үҥкүүтүн бэлэхтээтилэр. Киэҥ – халыҥ Захаровтар аймаҕы Инна Алексеевна Захарова түөрт кэрэчээн кыргыттарынаан уонна хахха буолар аналлаах уолчаанынан “Саламалаах” үҥкүүнэн арыйдылар. Аҕа баһылык А.Н. Константинов оҕолорун Олег Константинов ( Покровскай к. олохтооҕо, 3 оҕо аҕата) Саина Константинова (олохтоох оскуола үөрэнээччитэ)гитара доҕуһуоллаах ырыанан дьоро киэһэни иэргэттилэр. Егоровтар аймахха күтүөт “Ситим” КК тутаах үлэһитэ Владимр Лукин сахалыы дэгэрэҥ ырыанан сүрэхпитин сымнатта.  “Ситим” КК методиһа Майя Николаевна уолаттарын Айааллаах, Саяны кытта Скрябиннар дьиэ кэргэттэрин преставителлэрэ. Кинилэр “Дэйбиирдээх үҥкүүнэн” дьоро киэһэни салҕаатылар. “Ситим” КК дириэктэрэ Саргылана Федорова кэргэнинээн Виталий Кириллинниин дуэттаан ытыс тыаһынан доҕуһуолланнылар.  Ыччат дьоммут Анжелика Ефимова ( студентка) балтытынаан Нарыйа Егоровалыын эрчимнээх ырыанан  көрөөччүнү сэргэхситтилэр. Александровтар дьиэ кэргэттэрэ — ийэ Олеся Викторовна, кыыстаах уолунаан триолаан көрөөччү биһирэбилин ыллылар. Уруккута «Аргыс» ВИА салайааччыта, билигин оскуола оҕолоругар вокальнай – инструментальнай дьарыгы тэрийэр Валерий Кузьмин «Оҕо саас» ырыатын быраатынаан Павел Федоровтыын дохсун ытыс тыаһа доҕуһуоллаах толордулар. Кэнсиэр бары кыттыылаахтара киэн туттар, таптыыр киһибит Айтыына Уран тылларыгар Намыына матыыбыгар «Дьиэ кэргэн»диэн ырыаны ааптары кытта ыллаан дуоһуттулар. Ити курдук көхтөөхтүк бу сылбыт биир сонун тэрээһинэ өрө көтөҕүллүүлээхтик буолан ааста.

            Тохсунньу 13 күнүгэр  аҕам саастаах дьоммутугар анаан «Күөх уот» сынньалаҥ киэһэтэ тэрилиннэ. «Самыртай» музей- комплекс «Оҕо сааһым оонньуурдара» быыстапката тэнийдэ. Көхтөөх сэбиэскэй кэм музыкатынан доҕуһуолланан  ол кэминээҕи оҕолор оонньоон- көрүлээн, үөрэнэн, олоҕу тутан бардылар. Үҥкүү битийдэ, ырыа ылланна,  быыстапка туһунан Матрена Иннокентьевна сырдатта. Диафильм көрдөрдө. Дьэ уонна маскарааттары кытта тэҥҥэ сэбиэскэй оонньууларга күрэх олохтонно. Бастыҥ Луо кыыл маскарадка- Галина Дмитриевна Мордовская бастаата. Маскарад бастыҥ бирииһин ылла. Ону тэҥэ маскарадтарга барыларыгар сэмэй бэлэх  туттарылыннна. Оонньууларга элбэх фишканы хомуйан Анисия Скрябина, Раиса Леонтьева, Вера Кондакова биэтэккэ тахсан күрэҕи өссө күөттээтилэр. Финалга Вера Кондакова саамай элбэх хаары хомуйан бастакы миэстэҕэ тиксэн «Уйгу” маҕаһыын (Кузьминнар дьиэ кэргэттэрэ) туруорбут бирииһинэн бэлиэтэннэ. Ветераннарбыт олус үөрэн- көтөн, сэргэхсийэн, оҕо саастарын санаан, дуоһуйа хаартыскаҕа түһэн, махтанан- астынан тарҕастылар.