Дьиэ кэргэн – обществобыт туллар тутааҕа, бастакы ууруллар түөрэҕэ. Онон дьиэ кэргэн төһөнөн чиҥ чиргэл санаатынан¸үтүөнү үксэтэр үтүө майгытынан салайтаран олоҕун оҥостор да үүнэр сүһүөх ыччата ол курдук олоххо тардыһыылаах, үлэһит көнө сүрүннээх буолар. Олохтоох администрация уонна А.М. Сидорова аатынан “Ситим” КК Дьиэ кэргэн күнүгэр сэһэргэһэр, сайыннарар, түмэр тэрээһиннэри ыытыахха диэн сүбэлэһэн нэдиэлэ устата араас тэрээһиннэри былааннаатылар.
«Ситим» КК нэһилиэкпит бары араҥатын тэрээһиннэринэн хабар сыаллаах сүбэлэһиллибитинэн “Семьвелодрайв”диэн велосипедынан дьарыктан саҕалаатыбыт. Нэһилиэккэ сарсыарда аайы сүүрүүнэн, велосипедынан дьарыктанар дьон үгүс. Бу сарсыарда 12 көлөлөөх дьоммут кэлэн « Хамсаныы- чөл олох төрдө» челлендж ыыттылар, ыччат чөл олоҕу тутуһарыгар ыҥырыы оҥордулар. Ону таһынан дьиэ кэргэн хаартыскатын күрэҕэ, бу күҥҥэ аналлаах тургутук интэриэһинэйдик тэрилиннилэр. Эдэр дьиэ кэргэттэргэ анаан олохтоох дьаһалта специалиһэ Власенко О. Е. эдэр ыалларга сөптөөх программалары билиһиннэрдэ. Ол кэннэ Федорова С.С. тренинг элеменнээх сэһэргэһии ыытта. Үгүс киһи кытынна. Нэдиэлэ тэрээһиннэрин сонун диэн бэлиэтээтилэр.
“Дьиэ кэргэн- дьол уйата” хаартыска күрэҕин, дьиэ кэргэттэргэ тургутук кыайыылаахтарын ыам ыйын 22 күнүгэр ыытыллар «Ньукуолун бэлэҕэ» тэрээһиҥҥэ сценаттан доргуччу ааттыахпыт.
Дьиэ кэргэҥҥит чөл туруктаах, үтүө эйгэлээх, хаҥыы – кэҥии турар сылаас тыыннаах буолуохтун!