Тирээн кэллэ бу бүгүн Үөрэх – билии иҥэрбит Сылаас дьиэҕит кэриэтэ Күндү буолбут эһиэхэ Ойор күннээх оҕо сааскыт Умнуллубат биһигэ Оскуолалыын арахсар Долгутуулаах түгэҥҥит.
Күндү 2 Дьөппөн орто оскуолатын юбилейдаах сылын выпускниктара, учууталлар, төрөппүттэр, үөрэнээччилэр эһигини Тиһэх чуораан күнүнэн А.М. Сидорова аатынан «Ситим» КК коллективын аатыттан итиитик- истиҥник эҕэрдэлиибит. Бу Тиһэх чуораан бырааһынньыга — хас биирдии оҕоҕо умнуллубат түгэнинэн буолар. Бу бэлиэ түгэҥҥэ биһиктээн улаатыннарбыт төрөппүттэргит, үөрэппит- такайбыт учууталларгыт, биир кэмҥэ алтыспыт доҕотторгут, нэһилиэккит дьоно- сэргэтэ үтүө тылы аныыр, үчүгэйи- сырдыгы эрэ түстүүр алгыстаах күннэрэ. Бу күн алгыһын ылынан эһиги олоххут аана арыллан киэҥ солооһуннаах буоллун, кынаккыт бөҕөх буолан олох араас тыалыгар мүччү оҕустарымаҥ. Чөл олох төрдүн тутан, алгыстаах айан аартыгынан дьоллоохтук- соргулаахтык, дьулуурдаахтык- хотуулаахтык айаннааҥ.
Нэһилиэк култуурунай олоҕор көхтөөхтүк кыттар оҕолорбутугар уонна оҕолор төрөппүттэригэр махтал маанытын аныыбыт. Олоххо көхтөөх сыһыаҥҥытынан куруук инники күөҥҥэ сылдьыҥ диэн баҕарабыт.
Олох унньуктаах суолугар
Ыардартан чаҕыйар буолумаҥ
Саха киһитин сиэрин тутуһан
Дьол – соргу аргыстаах айаннааҥ (Наталия Борисова- Нарыйа)
Эҕэрдэни кытта Акулина Михайловна Сидорова аатынан
«Ситим» КК
Ыам ыйын 20 күнэ, 2023 сыл
