Быдан дьылларга бырастыы, Михаил Ефимович-бастакы Президеммит, тумус туттар ытык киһибит! Михаил Ефимович Николаев диэтэххэ, Саха сирин киэҥ нэлэмэн хочолоругар үлэ күөстүү оргуйара, алаастарга-сыһыыларга ынах-сылгы сүөһү мэччийэрэ, үрэхтэргэ-күөллэргэ көмүс хатырыктаах чалымныы оонньуура, ыраах тыаҕа, биллибэт-көстүбэт үрүйэлэргэ күндү таас күлүмүрдүүрэ, оҕо-аймах сылаас сырдык кыһаларга үөрэ-көтө үөрэнэрэ, ийэ-аҕа буолан саха урааҥхай дьоһун олоҕу тутара- олох сайдыытын туоһута буолан тигинии, үллэ, үлэлии-хамсыы сылдьара көстөр. Бу кини, Саха Саарына! Биһиги олохпутун тэлбит, сайдыы суолун солообут, бастакы Президеммит -Михаил Ефимович Николаев! Биһиги иннибитигэр хайыр хайа буолан, олох ыарахаттарын-моһоллорун санныгар сүкпүт. Хас биирдиибит олоҕор кини суолтата сүдү! Сүҥкэн! Биһиги сүрэхпитигэр, өйбүтүгэр- санаабытыгар Михаил Ефимович тыыннаах! Ытык киһибит сүбэтэ өрүү сирдии сылдьыаҕа! Бырастыы ытыктыыр, таптыыр, киэн туттар сүдү киһибит-Михаил Ефимович!