🌞🌈🌞🌈🌞🌈🌞🌈🌞🌈🌞
Бэс ыйын 2 күнүгэр оҕо площадкатыгар аан дойдутааҕы Оҕо көмүскэлин күнэ өрө көтөҕүллүүлээхтик, сүрдээх бэһиэлэйдик буолан ааста. Эрдэттэн күрэхтэр биллэриллибиттэрэ «Мой двухколесный друг» оҕолор велосипедтарын киэргэтиитигэр, оҕо коляскатын киэргэтиитигэр, «Мин сөбүлүүр оонньуурум» уонна киинэ, мультик геройдарынан косплей күрэхтэрэ. Оҕолор, төрөппүттэр сүрдээҕин бэлэмнэнэн кэлбиттэр, бары күрэххэ кыттаннар бириис тутан үөрдүлэр. Олохтоох дьаһалта, нэһилиэк урбаанньыттарын ааттарыттан элбэх оҕолоох ийэлэргэ сэмэй бэлэхтэри туттардылар. Күрэх кэмигэр нэһилиэк дьахталларын түмсүүтэ оҕолору минньигэс аһынан күндүлээтилэр. 4 кылаас оҕолорун эҕэрдэ ырыатын, үҥкүүлэрин көрдүбүт. Р.К.Захаров аатынан «Самыртай» музейыгар улахан саастаах оҕолорго квест оонньуу сүрдээх сэргэхтик буолла диэн оҕолор санааларын үллэстэллэр. Араас элбэх спортивнай күрэхтэргэ бука бары оонньоон-көрүлээн тарҕастылар.
🌞🌞🌞🌞🌞🌞🌞🌞🌞🌞🌞