Ыам ыйын 9 күнүгэр Улуу Кыайыы 77 сылын көрсө 2-Дьөппөн нэһилиэгин Кыайыы парадыгар нэһилиэк олохтоохторо, аҕам саастаахтара, тэрилтэлэр, ыччаттар сэлэлии хааман кытыннылар. Ону тэҥэ кыайыыга уһансыбыт дьоммут мэтириэттэрин тутан «Өлбөт тыыннаах полк» гражданскай ытык аахсыйаҕа кытыннылар. Өйдөбүнньүк ытык пааматынньыкка, тэрээһин сүрүн чааһыгар нэһилиэк аҕа баһылыгын солбуйааччыта Петухова О.А., сэрии сылын оҕото Петров С.Д., нэһилиэк ветераннарын сэбиэтин салайааччыта Александров В.И. тыл эттилэр. Ону тэҥэ «Кыайыыны аҕалбыт сандал саас» маассабай үҥкүү, саллаат хааһыта, «Кыайыы кроһа», Р.К.Захаров аатынан «Самартай» музейга аһаҕас аан, ону тэҥэ оҕолорго спортивнай күрэхтэһии ыыттылар. Салгыы «Ситим» КК нэһилиэк аҕам көлүөнэтигэр, бэтэрээннэригэр анаммыт кэнсиэрин көрөн үөрэн-көтөн, ирэ-хоро кэпсэтэн тарҕастылар.

[yotuwp type=»videos» id=»AN1y4Cqi0V8,43g8pQm8Q_s» ]