Хаҥалас улууһун Күөрдэмнээҕи А.М. Сидорова аатынан «Ситим» КК
Уолаттар, эр дьон кэтэхтэн хоһоон
ааҕыыларын күрэҕин түмүгэ
«Человек, который не читает, — говорил Марк Твен, — не имеет никакого преимущества перед человеком, который не умеет читать»
Дойду үрдүнэн Арассыыйа норуоттарын сомоҕолоһууларын, Саха Өрөспүүбүлүкэтигэр Култуура, Хаҥалас улууһугар Сомоҕолоһуу уонна айан – тутан түмсүүлээх буолуу сылларын чэрчитинэн «Ситим» КК уолаттарга уонна эр дьоннорго хоһоон ааҕыытын кэтэхтэн күрэҕин тэрийэн ыытта. Үгэс буолбут хоһоон күрэҕин кэтэхтэн ыытыллар түһүлгэтигэр отут икки хоһоонньут кытынна. Маннык күрэстэр дорҕоонноохтук ааҕыыны тэнитэр, уус уран ааҕыы нөҥүө төрүт түөлбэҕэ, төрөөбүт дойдуга махталы, тапталы тириэрдэр, патриотическай тыыҥҥа иитэр, эр киһи айар- тутар күүһүн- кыаҕын туоһулуур соруктаах тэриллэллэр.
“Күөрэгэйдээх Күөрдэмнэр” литературнай түмсүү уонна «Ситим» КК үлэһиттэрэ кыттыылаах дьүүллүүр сүбэ маннык түмүгү оҥордо:
1 бөлөххө:
1 миэстэ -Стручков Вова, Төхтүр орто оскуолатын 4 кылааһын үөрэнээччитэ «Хомуһум барахсан» импровизатор-хомусчут Шадрина Елизавета Михайловна хоһоонун дорҕоонноохтук, лоп – бааччы аахта. Салайааччы Перловская Анастасия Дмитриевна
2 бөлөххө: 1миэстэ — Лебедев Арылхан, 2 Дьөппөн орто оскуолатын 6 кылааһын үөрэнээччитэ «Сахам тыла» Петр Тобуруокап. Салайааччылар: Иванова Г.И, Лебедева А.Н.
2 миэстэ — Кривошапкин Эрчим, 2 Дьөппөн орто оскуолатын 5 кылааһын үөрэнээччитэ «Сахам тыла» Петр Тобуруокап. Салайааччылар: Иванова Г.И, Лебедева А.Н.
3 миэстэ— Кыһыл Үрүйэ оскуолатын хоһоонньут оҕолоро (Спартак Горохов, Тимофей Габышев, Арылхан Атласов, Стас Ермолаев) «Хаар» Петр Тобуруокап. Салайааччы Антипина Г.Г.
Улахан дьоҥҥо:
1 миэстэ –Константин Григорьев, Цифровой технология колледжын 1 курсун устудьуона, «Бастакы президент » Павел Николаевич Харитонов- Ойуку хоһооно. Салайааччы Торохова Д.В.
Былырыыҥҥы күрэҕи кытта тэҥнээн көрөр буоллахха, улахан дьон кыттыыта аҕыйаабыт, ордук оҕолор хоһоон ааҕан кытыннылар. Быйылгы ааҕааччылар быдан тупсубуттар, сахалыы таҥас – сап, көстөр көрүҥ, сценическэй культура, техническэй киэргэтии, музыканан доҕуһуол, хомусчут эбээ доҕуһуола устуу хаачыстыбатын лаппа киэргэтэллэр. Дьүүллүүр сүбэ 2 Дьөппөн орто оскуолатын үөрэнээччилэрин хоһооннорун ордук чорботон бэлиэтээтэ. Цифровой технология колледжын устудьуоннарын ааҕыыларын биһирээтэ. Эһиилги өттүгэр өссө элбэх оҕо, эр дьон кыттыа диэн эрэнэбит.
Хоһоону таптааҥ, хоһоону ааҕыҥ, оччоҕо тулаҕыт кэрэтин, дьон үтүөтүн өйдөөн көрөр кыахтаныаххыт диэн «Күөрэгэйдээх Күөрдэмнэр» литературнай түмсүү сүбэтин тириэрдэр.
Саргылана Федорова
