Бүгүн, олунньу  11 күнүгэр Төрөөбүт тыл, сурук – бичик күнүн  көрсө уонна Саха сиригэр култуура сылын  чэрчитинэн А.М. Сидорова аатынан  «Ситим» КК  Аан дойдутааҕы хомус түмэлигэр хомуһу үйэтитэр үтүө үлэлэригэр  өссө үрдүк ситиһиилэри баҕаран туран Култуураны көҕүлүүр Президент фондатын гранын кыайыылааҕа «Уусхомусфест» бөлөҕүн аатыттан Хаҥыл Уус- Александр Данилов дойдутун тимириттэн айан-чочуйан таһаарбыт хомуһун бэлэх ууннубут. Бырайыак чэрчитинэн оҥоһуллубут дойдубут хомуһугар саха тылын, култууратын сайыннарар, үйэтитэр бырайыактарбыт үтүө сүбэһитин, Хомус музейын төрүттэспит,  тыл билимин кандидата, СӨ култууратын  үтүөлээх үлэһитэ, Саха Өрөспүүбүлүкэтин  Ил Дарханын Дьаһалтатын  уонна Саха Өрөспүүбүлүкэтин  Бырабыытылыстыбатын Тыл сайдыытын боппуруостарын сүрүннүүр управлениетын салайааччыта Римма Романовна Жиркова аатын иҥэрдибит.