Быйылгы сылга «Күөртээх Күөрдэмнэр» сахалыы саҥаны үйэтитэр, сайыннарар сыаллаах бырайыакпыт биир хайысхатынан үөрэх тэрилтэлэрин кытта араас ситимнээх үлэни ыытыы буолар. Онон култуура эйгэтин үлэһиттэрэ оҕолорго анаан убайдыы- бырааттыы Николаевтар ааттарын сүгэр олохтоох оскуолаҕа уонна “Туллукчаан”оҕо саадыгар олоҥхо туруоран көрдөрдүлэр. Оҕо олоҥхону истэ үөрэниэхтээх, олоҥхо остуоруйаттан уратытын арааран билиэхтээх диэн соруктаах Афанасий Федоров «Тимир Куйахтаах Дьурантай бухатыыр»олоҥхотун үгэс буолбут ньыманан толордубут.   Оҕолор сүрдээҕин кэрэхсээн көрбүттэриттэн үөрдүбүт. Сүргэбит көтөҕүлүннэ. Оруолларынан

Дьурантай Бухатыыры –Владимир Лукин

Тукулаана Куону-Анна Иванова

Чуучаана Хотун – кыыс ийэтин – Февронья Ефремова

Сорук-боллуру – Саргылана Федорова

Кыаханньа дьахтары – Раиса Эверстова толорон көрдөрдүлэр. Олоҥхону Майя Свинобоева аахта, музыканан Майя Скрябина киэргэттэ