Муус устар 8 күнүгэр Мэҥэ Хаҥалас Аллараа Бэстээх бөһ. Василий Васильевич Местников аат. Култуура сайдыытын киинигэр Сэмэн Васильевич Хон аатыгар култуура үлэһиттэрин өрөспүүбүлүкэтээҕи методическай форума буолан ааста. Форум » Культура села в кризисные времена: точка опоры» диэн ааттанан ыытылынна.  Култуура өрөспүүбүлүкэтээҕи форумун «Кыталык» үҥкүү бөлөҕүн Алл.Бэстээхтээҕи филиала арыйда.

Алгыһы өрөспүүбүлүкэҕэ  биллэр алгысчыт Алгыстаах Испирдиэн көтөхтө. Кэлбит ыалдьыттары хаһаайыттар-Мэҥэ Хаҥалас улууһун баһылыгын солбуйааччы  Гаврил Николаевич Толстяков, улуустааҕы култуура, духуобунай сайдыы салаатын салайааччыта  Анна Владимировна Исакова эҕэрдэлээтилэр.

Пленарнай мунньаҕы «Об установлении мест традиционного бытования народных художественных промыслов»  диэн теманан В. А. Матвеева арыйда. А.Г. Кутугутова Россиятааҕы » Лучшая практика» субсидияҕа сайаапка ирдэбилин туһунан сиһилии кэпсээтэ. Бу кэннэ  «Отбор  лучших практик» ;»Хореография»; «Вокал»; «Театры»,  о.д.а секцияларынан үлэ барда. «Отбор лучших практик» секциятыгар 29 сайаапка киирэн экспертар иннилэригэр көмүскэннэ. Манна Федорова С.С.»Ситим» КК «Күөртээх Күөрдэмнэр» практикатын билиһиннэрдэ. Секциялар түмүктэринэн  резолюция ылылынна  СӨ култууратын уонна духуобунай сайдыытын миниистирэ Афанасий Иванович Ноев методическай форум сүрүн сыалын тоһоҕолоон тириэртэ, өрөспүүбүлүкэтээҕи норуот айымньытын дьиэтин иһинэн методическай киин тэриллиэҕин туһунан эттэ.

Резолюцияҕа норуот уус уран оҥоруутугар,  духуобунай нэһилиэстибэтигэр юридическай өттүн күүһүрдүү үлэтэ ыытыллыаҕын бигэргэттэ.  322 кыттааччылаах улахан форум
«Сулустаах киэьээ» диэн кэнсиэринэн түмүктэннэ. Хаҥаластан  «Ситим» (Күөрдэм), Петр Пестеров (Хоточчу). кытыннылар.