О, танец! Ты – мечты моей стремление!
Прекрасней ничего на свете нет,
Чем торжество любви и вдохновения,
Оваций восхитительный букет!
Муус устар 29 күнүгэр А.М. Сидорова аатынан “Ситим” КК «Ситимниин бииргэ» үҥкүү түһүлгэтэ бэрт сэргэхтик буолан ааста. Түһүлгэҕэ «Саҥа сүүрээн-2025» кыттыылаахтара, «Бырааттыы Николаевтар» ааттарынан орто оскуола 6 кылааһын үөрэнээччилэрин ансаамбыла ( үҥкүү ансаамбылын салайааччы Сивцева П.И., кылаас салайааччыта Лебедева А.Н.); 7 кылаас үөрэнээччилэрэ ( салайааччы Сивцева П.И., туруорааччы Скрябина М.Н.); 8 кылаас үөрэнээччилэрэ «Күндэл» үҥкүү ансаамбыла (салайааччылар Сивцева П.И., Скрябина М.Н.); 25№дээх “Туллукчаан” оҕо саадын иитээччилэрин үҥкүүһүттэрин бөлөҕө (салайааччы Скрябина Ю.С., туруорааччы Шадрина Л.Г.), «Күрүлгэн» эдэр ыччат үҥкүүһүттэрин ансаамбыла (салайааччы Скрябина М.Н.), культура үлэһиттэрин бөлөҕө(салайааччы Скрябина М.Н.) кытыннылар. Көрөөччүлэр үҥкүүһүт оҕолорбут хайдах курдук эрчимнээхтэрин, үҥкүүһүттэрин, Лебедевтэр дьиэ кэргэн үс уол- Владик, Айсен, Эрсан, кырачаан кыыс Айна, талааннаах ийэ Тамара Николаевна тэтимнээхтэрин, музыкальнайдарын; үҥкүүһүт кэрэ аҥардар устан иһэр куба курдук, үҥкүүлээн иһэр кыталык курдук нарыннарын- намчыларын көрөн харахпыт үөрдэ, сүрэхпит сылаанньыйда. Аны да искусство биир ураты көрүҥэ сэбэрэни киэргэтэ, эти- хааны эрчийэ, санаабытын кынаттыы – доруобуйабытын тупсара турдун. Уонна кэрэ айымньы буолан сценабытын киэргэттин.
Бу күннэргэ Майя Николаевна Скрябина, А.М.Сидорова аатынан «Ситим» КК методиһа, үҥкүү түмсүүлэрин салайааччыта, культура эйгэтигэр үлэтин саҕалаабыта үйэ чиэппэрэ буолла. Онон бу киэһэ икки төгүл үөрүүлээх дьоро күн ааста. Бэлиэ күнүнэн Майя Николаевнаҕа Дьөппөн олохтоохторо махтаннылар, сибэкки дьөрбөтүн бэлэхтээтилэр.
«Ситимниин бииргэ» үҥкүү күнүгэр анаммыт эҕэрдэҕэ кыттыбыт бары кыттааччыларбытыгар махтанабыт. Кыымтан уот саҕан күөдьүтэн айар аартыгы тэлэйэн айа –тута сылдьаргытыгар баҕарабыт. Санаабыккыт саргыланан, туппуккут тупсан, таарыйбыккыт табыллан истин. Дьиэ кэргэҥҥитигэр ил-эйэ, дьол-соргу олохсуйдун!
