🎭🎭🎭🎭🎭🎭🎭🎭🎭🎭🎭
Алтынньы 7 күнүгэр Покровскай куоракка » Саргы түһүлгэтэ» култуура киинигэр Россия норуоттарын култуураларын нэһилиэстибэлэрин сыла, Саха АССР төрүттэммитэ 100 сыла, Хаҥалас историятын бэлиэ сылларыгар анаммыт тэрээһин буолан ааста.
Тэрээһин бастакы чааһа
» Трудовая слава земли Хангаласской II том» кинигэ презентациятынан саҕаланна.
Иккис чааһыгар
» Драматург Степан Ефремов» саҥа кинигэтэ тахсыытын бэлиэтээһинэн буолла. Манна Хаҥалас улууһун үс норуот тыйаатырдара Степан Ефремов айымньыларыттан быһа тардан оонньоон көрдөрдүлэр. Нөмүгү норуот тыйаатыра » Куорат кыыһа», Өктөм норуот тыйаатыра» Кийиит» кэмиэдьийэлэри быһа тардан көрдөрөн дьон — сэргэ сэргэхсийдэ. Онтон Күөрдэм норуот тыйаатырын артыыстара » Ини — бии» драманы итэҕэтиилээхтик оонньоон, мустубут ыалдьыттар сүрэхтэрин долгутта, дьон биһирэбилин ыллылар.
Түмүккэ, Хаҥалас улууһун култуураҕа уонна духуобунаска салайааччыта Фекла Романовна Варламова норуот тыйаатырдарын режиссердарыгар махтал суругун туттарда.

Источник видео: Николай Барамыгин