Хачыкаат нэһилиэгэр  үгэс буолбут «Самыртай» XX спартакиадата буолан ааста. Бу сырыыга 726 киһи, Самыртай хочотун 5 нэһилиэктэриттэн кыахтарын-күүстэрин көрдөрө, тургутуһа муһуннулар. Хапсаҕай, мас тардыһыыта, волейбол, мини-футбол, хабылык-хаамыска, остуол тенниһэ, дуобат, шахмат курдук спорт араас көрүҥнэригэр күрэхтэһии буолла. Эмиэ биир интэриһинэй көрүҥүнэн сыллата аайы ыытыллар ырыа- үҥкүү күрэҕэ сүрүн болҕомтону ылар. Ол курдук, нэһилиэктэр  үгэс буолбут тылынан уус уран айымньылар көрүҥнэринэн , ырыаҕа уонна үҥкүүгэ күрэхтэстилэр. Манна Күөрдэмнэр Монгольскай үҥкүүнэн (салайаччы М.Н. Скрябина):, « Дьөһөгөй оҕото » норуот инструменнарынан композиция (салайааччы С.С.Федорова), “Үчүгэй”(« Дапсы » бөлөх  репертуарыттан, сал. М.Е. Свинобоева) кыттан 1 миэстэни ыллыбыт.

2 Дьөппөн хамаандата волейболга, мас тардыһыытыгар, хапсаҕайга, хабылык- хаамыскаҕа, мини футболга бастакы миэстэлэри ылан биэс кубоктанныбыт.

Түмүккэ:

1 миэстэ — Хачыкаат нэһилиэгэ
2 место — 2 Дьөппөн нэһилиэгэ
3 место — 1 Дьөппөн нэһилиэгэ буолла.

Миэстэлэспит  кыттааччы Олимпиада мэтээлиттэн итэҕэһэ суох көстүүлээх мэтээллэри, грамоталары тутан ситиһиигэ кынаттанна. Хас биирдии култуурунай тэрээһин кыайыылаахтара «Ректаймтан» анал бэлэх тутан үөрүүлэрэ үксээтэ.

Сылын аайы сытыырҕайан иһэр улахан күрэҕи тэрийэр «Ректайм» рекламнай бөлөххө 2 Дьөппөн олохтоохторун аатыттан махталбытын тиэрдэбит. Тус олоххутугар дьолу- соргуну, ситиһиилэри, доруобуйаны баҕарабыт.

Саргылана Федорова