Кулун тутар 12 күнүгэр Күөрдэм сиригэр уонна Саха сиригэр  маҥнайгынан культурологическай десант тэрилиннэ.  1991 с. Саха автономнай республикатыгар маҥнайгы президенинэн Михаил Ефимович Николаев анаммыта. Үөрэҕирии эйгэтигэр национальнай концепция ылыллан үөрэх кыһаларын программалара саҥардыллыбыттара. Максим Кирович Аммосов аатынан Саха судаарыстыбаннай университетыгар саха тылын, литературатын, төрүт култууратын факультета тэриллибитэ. Культурология салаатын сэбиэдиссэйинэн историческай наука кандидата Розалия Иннокентьевна Бравина анаммыта. Маҥнайгы культурологтары СГУ дуоктардара Борис Николаевич Попов, Анастасия Петровна Оконешникова, Виктор Данилович Михайлов, Анатолий Игнатьевич Гоголев, Василий Васильевич Илларионов, култуура эйгэтигэр биллэр- көстөр дьон Саха култууратын үтүөлээх үлэһиттэрэ- артыыстара Афанасий Семенович Федоров, Василий Михайлович Фомин  о.д.а. үгүс үтүө дьон, билим, култуура саарыннара уһуйан, үөрэтэн таһаарбыттара. 1997с.  Төрүт култуура салаатын маҥнайгы выпускниктара 23 устудьуон  — культуролог, Саха сирин норуоттарын култууратын преподавателэ диэн диплом ылан, университеттан тахсыбыт маҥнайгы культурологтар буолбуттара. Бу күн Саха сирин маҥнайгы культурологтара түмсэн,  Хаҥалас сиригэр        «Өбүгэ ситимэ: төрүт үгэс уонна билиҥҥи кэм» культурологическай десант тэрийдилэр.  Саха государственнай университетын төрүт  култуура салаатын маҥнайгы выпускниктара ХИФУ доцена,  педагогика билимин хандьытаата, Саха Өрөспүүбүлүкэтин  маҥнайгы культурологтара түмсүү председателэ- Марк Николаевич Егоров; ХИФУ доцена, культурология хандьытаата, Саха Өрөспүүбүлүкэтин  маҥнайгы культурологтара түмсүү председателэ Семен Семенович Протопопов; этнопедагог, суруналыыс, суруйааччы Дьокуускайдааҕы национальнай гимназия “Олох ҮӨРЭҔЭ” норуот педагогикатын киинин салайааччыта Татьяна Ильична Жиркова, Хаҥалас улууһун Күөрдэм нэһилиэгин «Ситим» КК дириэктэрэ — Саргылана Федорова уонна бу ыҥырыыны өйөөн ХИФУ доцена, тыл билимин хандьытаата- Матрена Петровна Попова бу күнү кыттыһан тэрийдилэр. 1 чааһынан культурологтар маннык лекторийдары ыыттылар.

• Култуура эйгэтигэр бырайыактааһын: Сайаапканы толоруу уонна сүрүн алҕастар- Егоров Марк Николаевич,
• Сахалыы эмтээһин төрүт култуура тиһигэр – Протопопов  Семен Семенович- Арчын Уотту,
•  Норуот педагогикатын лабораторията- Жиркова Татьяна Ильинична,
• Тэрилтэ имиджин тэрийии- Попова Матрена Петровна

Иккис чааһынан “Өбүгэ ситимэ: төрүт үгэс уонна билиҥҥи кэм”  төгүрүк остуол тула сэһэргэһии, бырайыактары көмүскээһин буолла.

Ыҥырыыбытын ылынан кэлбит биир идэлээхтэрбитигэр махталбытын тиэрдэбит. Маннык кэпсэтиһии, сэһэргэһии үгүстүк ыытыллыахтааҕын бэлиэтээтибит. Киэҥ хабааннаах резолюция ылылынна, өссө чочуллан тарҕатыллыаҕа. Бары бииргэ үлэлиэххэ, санаабытын холбуохха диэн түмүктээтибит.

Саргылана Федорова, Күөрдэм