Саҥа дьыл аптаах харыйатын, Тымныы Кыһын оҕонньору, сиэнин Хаарчаананы кэтэспэт оҕо  бука суоҕа буолуо. Култуура үлэһиттэрэ бу күннэргэ оҕолорго туох эмэ аптааҕы, интэриэһинэйи, үөрүүлээҕи бэлэхтээбит киһи диэн саҥаттан саҥа, сонунтан сонун образтары көрдүүбүт, оонньуулары бэлэмниибит. “Ситим” КК бу сылга «Радж уонна муударай үөн» туһунан остуоруйаны көрдөрдө. Остуоруйаҕа тыйаатыр артыыстара уонна «Ситим» КК коллектива кытыннылар,  режиссер Олеся Александрова туруорда.  Итии дойдуттан Радж эриэн үөнү кытта күүлэйдээн хоту дойду оҕолорун кытта оонньоон, күрэхтэһэн барда. Оҕолорбут барахсаттар үөрэ- көтө оонньоон, дуоһуйа күрэхтэстилэр, ыллаатылар, үҥкүүлээтилэр. Тымныы оҕонньору кытта үгэс хороводтарын ыллаатылар, Хаарчааналыын хаартыскаҕа түстүлэр.