Бу күннэргэ Күөрдэммитигэр Лидия Яковлевна Гермогенова аатынан Күөрдэмнээҕи норуот тыйаатырын артыыһа, СӨ култууратын туйгуна,  СӨ үтүөлээх артыыһа, үгүс киинэ бэстибээллэрин  кыайыылааҕа Степан Дмитриевич Петров 80 сааһын бэлиэтиир тэрээһиннэр ыытылла тураллар.  Ол курдук олохтоохтор «Тойон Кыыл» (реж. Э.Новиков),  «Надо мною солнце не садится» ( реж. Л.Борисова), «Дикий челлендж» (реж. М. Лукачевский), «Кэрэни көрбүт» ( реж. Л.Борисова) киинэлэри көрдүлэр. Ыам ыйын 23 күнүгэр «Самыртай» музе        й- комплекс көҕүлээн Степан Петров аатынан остуол оонньууларыгар- хабылыкка, дуобакка уонна садуобаҕа күрэхтэри тэрийиэ. Уонна түмүктүүр тэрээһининэн «Спид Стар» киинэ сүрэхтэниитэ буолуо.

Киэн туттар киһибит Степан Дмитриевич ыам ыйын 21 күнүгэр 1945 с. Бүлүү улууһун, Киров с. төрөөбүтэ. Хаҕын алын сүһүөх оскуолатын, Кыргыдай сэттэ кылаастаах оскуолатын бүтэрбитэ. Ньурба улууһун Маар с. 20№дээх ПТУ машинист- тырахтарыыс  идэтин ылбыта. Приморьеҕа сулууспалаабыта. 1967 с. Бүлүү улууһун култуура отделыгар Чернышевскай с. «Уотту» учаастагар, кэлин Хаҕын нэһилиэгин ааҕар балаҕаннарыгар үлэлээбитэ. Бүлүүгэ үөрэнэн  суоппар идэтин баһылаабыта. 1974 с. Орджоникидзевскай оройуон (билиҥҥинэн Хаҥалас улууһугар) Күөрдэмигэр көһөн кэлэн «Октябрь 50 сыла» совхозка рабочайынан, онтон икки сыл буолан баран үүт таһар массыынаҕа суоппарынан, кэлин сопхуос ыһыллан «Дьөппөн» КП, мастарыскыайга 2000 с. бочуоттаах сынньалаҥҥа барыар диэри үлэлээбитэ.

Күөрдэм нэһилиэгин драмкуруһуогар Л.Я. Гермогенова салалтатынан  дьарыктаммыта. Онон тыйаатыр тэриллиитин историятыгар биир бастакынан суруллар артыыс буолбута. Степан Дмитриевич толорбут оруоллара олус элбэх. Олортон саамай сүрүннэрин суруйдахха «Наара Суох», «Күөх кырдал», «Сутаакылар», «Оҕоҕо баҕарбыт», «Хаьыҥнаабыт сардаана», «Аал уот», «Маарыкчаан ыччаттара», «Күөртээх Күөрдэм»  о.д.а

Норуот тыйаатыра тэриллибитэ 5  сылыгар  А.Е. Кулаковскай аатынан НАД «За вклад в развитие народного творчества» бириэмийэтин ылбыта.  2016 с. «Тойон кыыл» (реж.Э.Новиков) уус- уран киинэҕэ Зоя Потаповалыын сүрүн оруолга оонньообута. Бу оруол иһин 2017 с.  ССРС норуотун артыыһа Дмитрий Федорович Ходулов 105 сааһыгар аналлаах «Талааҥҥытынан мин ааппын ааттатаарыҥ» республикатааҕы норуот тыйаатырдарын көрүү-күрэҕэр «Бастыҥ оруол» хаһаайына буолбута . Ону таһынан «20-летие Победы над фашисткой Германией»; «100-летие Октябрьской революции» үбүлүөйдээх мэтээллэрдээх, нэһилиэк общественнига, Үлэ бэтэрээнэ, сэрии кэмин оҕото. Хабылык, хаамыска- остуол оонньууларын көҕүлээччитэ, нэһилиэкпит уонна улууспут бочуоттаах олохтооҕо, Бүлүү улууһун Хаҕын нэһилиэгин бочуоттаах олохтооҕо.

            Степан Дмитриевич 8 киинэҕэ уһулунна. Киинэ артыыһын быһыытынан:

1997 с. «Буор кут» (реж. С.Аманатов) у/у киинэҕэ- Чолбон оҕонньор оруолун толорон сүрэхтэммитэ.

Ол кэннэ «Куоратчыт» (реж.Н.Аржаков) хаартыһыт оруолун оонньообута;

2016 с. «Тойон Кыыл» (реж. Э.Новиков)- Микииппэр;

2018 с. «Надо мною солнце не садится» ( реж. Л.Борисова) -Байбал;

2022 с. «Дикий челлендж» (реж. М. Лукачевский)- Го; 

2022 с. «Кэрэни көрбүт» ( реж. Л.Борисова)  -уус оҕонньор;

2023 с. «Лоокуут уонна Ньургуһун» (реж. Константин Тимофеев)- Күһэҥэй;

2024 с. «Спид Стар» (реж. Алексей Амбросьев мл.)- Баппалыын

“Тойон Кыыл” (“Царь-птица”) уус-уран киинэ ситиһиилэрэ:

 * Москубатааҕы  40-с Норуоттар икки ардыларынааҕы киинэ бэстибээлин кыайыылааҕа «Золотой святой Георгий» (2018 с.);

 * ФИПРЕССИ /FIPRESCI – FIPRESCI INTERNATIONAL CRITICS PRIZE — 40-с фестиваль Кинокритиктар норуоттар икки ардыларынааҕы ассоциациятын  бирииһэ (Москва, 2018с.);

* Рейтинговай куоластааһын түмүгүнэн киһи уонна айылҕа алтыһыытын  айымньылаахтык көрдөрүү иһин  регионнар икки ардыларынааҕы «Федерация киноклубов» 40-с фестиваль (Москва, 2018с.);

*  Биллибит киинэ жанрын бастакы аһаҕас «Хрустальный источникъ»  бэстибээлин Бастыҥ режиссура иһин бирииһэ (Ессентуки, 2018с.);

* «Балтийские дебюты» (Светлогорск, 2018с.) XV-Аан дойдутааҕы киинэ  бэстибээлин Светлогорскай оройуонун администрациятын Режиссерга бирииһэ;

* 42-с Монреаллааҕы Бүтүн Аан дойдутааҕы киинэ бэстибээлин — «За художественный вклад» бирииһэ, «Лучшая драма» бирииһэ (Монреаль, 2018с.);

* II-с Норуоттар икки ардыларынааҕы арктика киинэ бэстибээлин кыттыылааҕын Диплома (Анадырь, Чукотка, 2018с.);

* XVII Байкаллааҕы  В.Г.Распутин аатынан Норуоттар икки ардыларынааҕы киинэ бэстибээлин «Человек и окружающая среда» В.Г.Распутин  аатынан Гран При хаһаайына (Иркутск, 2018с.);

* «ImagineNATIVE+Media Arts Festival» XIX Норуоттар икки ардыларынааҕы олохтоох норуоттарга сылын аайы ыытыллар киинэ бэстибээлин  “Best Dramatic Feature” Премията (Торонто, Канада, 2018 с.);

* “Asian World Film Festival” V Аан дойду  Азиатскай киинэ бэстибээлин — Гран-При хаһаайына Премия “Лучший фильм”  (Лос-Анджелес, США, 2018с.);

* «Спутник над Польшей»  XII Россия киинэтин бэстибээлигэр, уус- уран киинэ күрэҕэр  2-миэстэ (Варшава, Польша, 2018с.) ;

*  Asia Pasific Screen Award ASPA киинэ бэстибээлин  “За культурное разнообразие” бириис номинана (Брисбен, Австралия, 2018с.);

* «АRCTIC OPEN» Арктика дойдуларын II-Норуоттар икки ардыларынааҕы киинэ бэстибээлин “За уникальный актерский дуэт” Диплома  (Архангельск, 2018с.);

* «АRCTIC OPEN» Арктика дойдуларын II-Норуоттар икки ардыларынааҕы киинэ бэстибээлин «За умение видеть в малом большое» анал бириис хаһаайына (Архангельск, 2018с.);

* «Rain International Nature Film» – «Хрустальный слон»  Айылҕа Аан дойдутааҕы киинэ бэстибээлин «Бастыҥ киинэ» бирииһэ (Индия, Муннар, 2019с.);

               «Мин үрдүбэр күн хаһан да киирбэт» уус-уран киинэ ситиһиилэрэ:

* Москубатааҕы  41-с Норуоттар икки ардыларынааҕы киинэ бэстибээлин  «Көрөөччү биһирэбилэ» бириис хаһаайына (Россия, 2019с.)

* Москубатааҕы  41-с Норуоттар икки ардыларынааҕы «Золотой святой Георгий» киинэ бэстибээлин номинана  (Россия, 2019с.)

* Шанхай Норуоттар икки ардыларынааҕы киинэ бэстибээлин «Бастыҥ киинэ» СМИ бирииһэ  (г.Шанхай, Китай, 2019с.)

* Золотой Ворон»  III Норуоттар икки ардыларынааҕы арктическай киинэ бэстибээлин «Лучший игровой фильм» бирииһэ (Анадырь, Чукотка).

Степан Дмитриевич Саха сиригэр, киинэ, тыйаатыр сайдыытыгар сүҥкэн кылаатын киллэрбит патриот, энтузиаст.  Чөл олох, физкультура , спорт  пропагандиһа. Нэһилиэкпит биир ытыктанар  киэн туттар киһитэ. Тэрээһиннэргэ биир дойдулаахтарбыт Степан Дмитриевичка бастыҥ баҕа санааларын, махталларын, эҕэрдэ истиҥ- иһирэх тылларын тириэртилэр.