Муус устар 10 күнүгэр Кыайыы. Чиэс. Кэриэстэбил. улуустааҕы күрэх буолан ааста. Күрэҕи Тимофей Сметанин «Саллаат олоҕо» уус уран дьүһүйүү быһыытынан көрдөрдүбүт.  

Истиҥ эрэ доҕоттор

Ити күүрэр ньиргиэри

Ийэбит Лена долгуннарыгар

Иһилиннэ үөрүү музыката.

Ардах былыта ааһан

Аалай маҥан күммүт

Арылыччы көрдө

Кыһыл көмүс киистэнэн

Кыламаннар аайы

Кылбаарыччы тыкта..

Кыайыыбыт үөрүүтэ

Кыыс дьахтар буолан

Ыһыахтар күөх түһүлгэлэригэр

Ымайа күллэ

Чороонноох кымыстарга

Толоно көһүннэ.

Истиҥ эрэ доҕоттор

Ити күүрэр ньиргиэри

Ийэбит Лена долгуннарыгар

Иһилиннэ үөрүү музыката! (Тимофей Сметанин)