Оҕолорбут бу күннэргэ  Быраттыы Николаевтар аатынан 2 Дьөппөн орто оскуолатын 8 кылааһын үөрэнээччилэрэ «Күндэл» оҕо үҥкүү ансаамбыла  саха тылын, литературатын учуутала Прасковья Ивановна Сивцева салайааччылаах  Кытайга Аан дойдутааҕы бэстибээл- күрэххэ  кытыннылар.  Аан дойдутааҕы «Ритмы дружбы» бэстибээл Яньзци куоракка ыытылынна. Хабаровскай, Сахалин, Южно-Сахалинскай, Уссурийскай, Саха сирэ, Кытай  о.д.а. ансаамбыллар кыттыыны ыллылар. Бэстибээл блоктарынан тэрилиннэ.  Хас да блогунан арахсан, хас эмит сүүһүнэн оҕо кыттыыны ылла. Биирдии блокка 30-50 -ча ансаамбыл кытынна. Түмүккэ «Күндэл» оҕо үҥкүү ансаамбыла , салайааччы Сивцева  П.И, хореограф Скрябина Майя Николаевна 2 истиэпэннээх лауреат аатын ылан, үөрүү-көтүү өрөгөйүн биллилэр.  Оҕолорбут аан маҥнайгытын маннык улахан сыанаҕа тахсан үҥкүүлээтилэр. Былааннаммыт маршруттарынан Кытай курдук сайдыылаах норуот култууратын, олоҕун-дьаһаҕын билсэн, сынньанан, араас экскурсияларга сылдьан умнуллубат сынньалаҥы тэҥҥэ дьүөрэлээн сырыттылар.

Бу курдук араас күрэхтэргэ кыттан, атын дойду олоҕун көрөн-истэн оҕолорго умнуллубат түгэни сэргэ, элбэх баай уопут, инникитин үөрэхтэрин, үлэлэрин да ситимнииллэригэр бигэ тирэх буолар. Оҕолор бэйэ-бэйэҕэ доҕордуу сыһыаны ыкса олохтоон, бу курдук умнуллубат Кытайга ситиһии өрөгөйдөөх кыттыылара өссө да үгүс элбэх күрэхтэргэ ситиһиинии эрэ аҕала турдун. Төрөппүттэр ааттарыттан салайааччыбытыгар Прасковья Ивановнаҕа махталбытын тиэрдэбит.

Иһитиннэриини бэлэмнээтэ Олеся Александрова