Кулун тутар ыйга сааскы маҥнайгы бырааһынньыкка бэлэмнэнии сүпсүлгэнин кытта улуустааҕы, республикатааҕы култуурунай тэрээһиннэр, күрэхтэр, бэстибээллэр быыһа суох ааннарын арыйан бүтүн республика үрдүнэн култуурунай күөдьүйүү буолар. А.М.Сидорова аатынан «Ситим» КК ол  эрээккэ киирэн бииртэн биир интэриэһинэй тэрээһини ыытарга кыһаллар.  «Кэрэ сэбэрэ» мааны таҥас-сап, киэргэл эйгэтин көрдөрөр сыаллаах тэрээһиҥҥэ анаан авторскай хоһоон күрэҕин биллэрбиппит. Онон бүгүн хоһоон күрэҕин түмүгүн билиһиннэрэбит. Дьүүллүүр сүбэ маннык түмүккэ кэллэ.

Ол курдук кыттааччы аҕыйаҕын бэлиэтээн биир кыайыылааҕы ааттыырга диэн уопсай сүбэнэн Анна  Хабарова, Нам хоһоонньутугар 1 миэстэни биэрдибит. Уонна Саргын Кыыһа Күннэйгэ » Сааскы хоһоон» диэн  анал ааты  иҥэрдибит. Ылдьаа Хоточчу «Кэрэкэ тыллар» анал номинация хаһаайына буолла, Лариса Далбарга «Эбээ таптала» диэн анал аат ананна, Сахаяна Лукина «Ийэбит биһиэнэ»   диэн номинация кыайыылааҕа буолла. Хас биирдии хоһоон ис сүрэхтэн суруллан, анаан минээн
туһаайыллан кэлбиттэригэр махтал буолуохтун.

Хоһооннор «Кэрэ сэбэрэ» тэрээһиҥҥэ ааҕыллыахтара, сайтка тахсыахтара. Өрүү хоһоон күрэҕэр кыттар дьоммутугар махтал маанытын аныыбыт.

Суруйар,  айар дьоҕургут
Сайда,үүнэ турдун
Харахтыын мичээрдээн
Сааскы халлаан
Сылаас угутун тутуохха
Айыахха, тэҥҥэ ыллыахха!

Саргылана Федорова