Сааскы маҥнайгы бырааһынньыкка  2 Дьөппөн үлэ тэрилтэлэрин салайааччылара «Икки сулус»  эҕэрдэ кэнсиэр бэлэхтээтилэр.  Ол курдук «2 Дьөппөн нэһилиэгэ » ТСП баһылыгын эбээһинэһин толорооччу Ольга Петухова хотунунаан Мария Аманатовалыын «Олоруохха дьоллоохтук» ырыанан, оҕо спортивнай оскуолатын 2 Дьөппөннөөҕү филиалын тренерэ, бу күннэргэ «РФ үөрэҕириитин туйгуна» үрдүк бэлиэни ылбыт  Петр Исаков иитиллээччитинээн Мария Поисеевалыын «Ньургуһуннар»,  модельнай библиотека салайааччыта Ньургуйаана Лебедева дьүөгэтинээн Каролина Федоровалыын аныгы тэтимнээх үҥкүүнэн, «Бырааттыы Николаевтар» ааттарынан орто оскуола директора Дария Скрябина дьүөгэтинээн Любовь Федоровалыын узбекскай үҥкүүнэн, Е.В. Туласынова аатынан 25 № дээх «Туллукчаан» оҕо саадын сэбиэдиссэйэ Юлия Скрябина уолунаан  Өркөн Скрябинныын «Дьокуускайга хаар түһэр» ырыанан, 2 – Дьөппөннөөҕү ветеринарнай учаастак ветеринарнай бырааһа Нарыйа Говорова дьүөгэтинээн Майя Скрябиналыын «Синий платочек» үҥкүүнэн, «Туймааданефть» компания 2-Дьөппөннөөҕү заправочнай станция салайааччыта Александр Алексеев кэргэнинээн Анжела Алексеевалыын «Иккиэбит» ырыанан,  «Ситим» култуура киинин дириэктэрэ Саргылана Федорова кыыһынаан Варя Федоровалыын «Ыллаа, ыллаа» ырыанан  көрөөччү кутун туттулар. Бу эрэ киэһэ тэрилтэ салайааччылара ырыа- үҥкүү дьоро киэһэтин аанын арыйан бэрт сэргэх кэнсиэр дохсун ытыс тыаһынан доҕуһуолланна.