Сыл саҕаланыаҕыттан сыралаһан бэлэмнэнэн, дьарыктанан, тэрийэн сылын ахсын ыытар Самыртайбыт спартакиадатын этэҥҥэ түмүктээтибит.

Хаһан да буоларын курдук кыра мөккүөрдээх буолла. Ол өйдөнөр. Утары көрсөн күрэхтэһиигэ барытыгар баар суол. Хас биирдии хамаанда син биир хотордуу тэринэн, кыайыы өрөгөйүн билээри кэлэр. Күрэх диэн күрэх, ким эрэ хотор, ким эрэ хотторор. Ол эрэн биири умнумуохха наада, биһиги бары бииргэбит. Ама бу уон тоҕус сыл устата сомоҕолоһуубут биир-икки күннээх күрэҕинэн сотуллубата чахчы. Хоппут киһиргэниэ, хотторбут хомойуо суохтаах. Эһиилги үбүлүөйдээх күрэххэ хайаан да бастыыбын диэн сыал-сорук туруохтаах. Быйылгы Спартакиада тэрээһинигэр күүс-көмө буолбут бар дьоммутугар, хас биирдии көрүҥҥэ кыттыбыт спортсмеҥҥа, хамаандатыгар дууһатынан ыалдьыбыт нэһилиэнньэбитигэр муҥура суох барҕа махталбытын тиэрдэбит.

Нэһилиэк баһылыктарыгар Ирина Викторовна Оболкинаҕа, Ольга Аполоновна Петуховаҕа, Андрей Андреевич Яковлевка, нэһилиэк туһугар диэн күрэххэ дьону түмэн, хамсатан, кытыннарбыккытыгар туһунан махтал! Инникитин даҕаны бары ыытыллар тэрээһиннэргэ маннык көхтөөхтүк кытта туруоххут диэн эрэнэбит, саарбахтаабаппыт. Уопсайа 11 көрүҥүнэн:

1  миэстэ- Хачыкаат

2 миэстэ- 2 Дьөппөн

3 миэстэ- 1 Дьөппөн

Бука бары чэгиэн сылдьыҥ, дьоллоох олоруҥ, ситиһиилээх буолуҥ! Биһиги маннык дьонноохпутунан киэҥ туттабыт.

«Ректайм» рекламнай компания салайааччылара Афанасий, Абек Киприяновтар