2025 сыл Россияҕа Аҕа дойдуну көмүскээччи  сылынан биллэрилиннэ. 2 Дьөппөн нэһилиэгэр туһааннаах сылы арыйыы тэрээһинэ  олунньу  ый саҥатыгар ыытыллыаҕа. Тэрээһиҥҥэ биир дойдулаахпыт баталист худуоһунньук  Иван Лебедев «Холуста сэһэнэ» диэн хартыыналарын быыстапката туруоҕа. Бу күннэргэ Иван Иванович дойдутугар кэлэн «Ситим» КК быыстапка туруоруутун туһунан сэһэргэстэ. Худуоһунньук аҕата, Иван Егорович Лебедев Күөрдэмтэн аармыйаҕа ыҥырыллан барбыт Аҕа дойду сэриитин кыттыылааҕа. Онон ааптар аҕатын кэпсээнигэр олоҕуран оҥорбут үлэлэрэ үгүс. Быыстапкаҕа биир дойдулаахпыт 40- тан тахса үлэтэ туруоҕа. Хаҥалас улууһун олохтоохторун- биир дойдулаахтарбытын быыстапканы кэлэн көрөргүтүгэр ыҥырабыт. Быыстапка олунньу саҥатыттан олунньу 15 күнүгэр дылы туруоҕа.