Муус устар 10 күнүгэр «Ситим» култуура киинигэр Саха бастакы хормейстера, самодеятельнай композитора, Саха ырыаларын нуотаҕа түһэттэрэн маҥнайгы хомуурунньугу таһааттарбыт Адам Васильевич Скрябин төрөөбүтэ 130 сылыгар аналлаах улуустааҕы хор көрүү фестивала буолан ааста.

Хор бастакы ырыатынан, А.М.Сидорова тылларыгар уонна матыыбыгар «Дьөппөн сирин таптыыбын», Антон Иванов — «Добун» студия оҥорон таһаарбыт запиһа. Иккис ырыа, С.Данилов тылларыгар, Г.Никифоров матыыбыгар «Өлүөнэ эбэкэм» баяҥҥа доҕуһуоллаата Валерий Кузьмин. Уус-уран салайааччы Майя Свинобоева хору олус сатабыллаахтык салайан кыттааччылар бэркэ табыллан күргүөмүнэн ыллаатылар.

Хор күрэҕин сыаналаатылар:

1. Дьүүллүүр сүбэ бэрэссэдээтэлэ — Афанасьева Александра Иванова Хаҥалас улууһун оҕо театральнай оскуолатын салайааччыта. Академическай вокал преподавателя, СР культуратын туйгуна.

2. Гаврильева Мотрена Егоровна — Хаҥалас улууһун «Арчы дьиэтэ» норуот айымньытын киинин уус-уран салайааччыта, СР культуратын үтүөлээх үлэһитэ.

3. Ноева Ульяна Михайловна — Ханалас улууһун культуратын уонна духуобунай сайдыытын салалтатын сүрүннүүр специалиһа. СР культуратын бочуоттаах улэһитэ.

4. Артамонова Людмила Степановна — Покровскайдааҕы оҕо искусствотын оскуолатын фортепиано салаатын преподавателя, СР культуратын бочуоттаах улэһитэ.

5. Федулова Мария Гаврильевна — Хаҥалас улууһун «Арчы дьиэтэ» норуот айымньытын киинин специалиһа, СР культуратын туйгуна. Көрүү фестиваль видеограва. Аны сайын, бэс ыйыгар талан ылыллыбыт хордар, улуустааҕы «Эркээни» ыһыаҕар, Адам Васильевич Скрябин ыллам ырыата ылланыа, кэрэ дорҕоон кэккэлэһиэ. Хор кыттыылаахтарыгар бука барыларыгар, барҕа махталбытын тиэрдэбит.