От ыйын 8 күнүттэн  А.М. Сидорова аатынан «Ситим» КК уонна Р.К. Захаров аатынан «Самыртай» музей көҕүлээһиннэринэн « Ай– тут »   оҕо площадката аанын арыйда. Площадка  оҕо дьарыктаах буолуутун, айар дьоҕурун сайыннарыытын, саастыылаахтарын кытта тэҥҥэ алтыһа үөрэниитин хааччыйыа. Оҕолор уһуйааччыларын кытта олоҥхолоон, хомустаан ылыахтара. Тьютордарын кытта үҥкүүлээн, ыллаан тэлээриэхтэрэ. Ол иһигэр нэһилиэк талааннаах эдэр ыччатын кытары көрсүөхтэрэ, үөрэниэхтэрэ, сахалыы саҥара, астыы уһуйуллуохтара. Оҕо барыта талааннаах диэн бэргэн этиинэн сиэттэрэн тарбахтарыгар талааннах оҕолорго уустуун көрсүһүү, уруһуйдьут оҕолор уруһуй түһэрэ үөрэнэн, соло кэмнэрин туһалаахтык атаарарга кыһаллыахтара.

Тьютордар олохтоох оскуола 11 кылааһын үөрэнээччитэ Саина Константинова уонна Өктөмнөөҕү лицей выпускницата, логопедка туттарса сылдьар Виолетта Львова оҕолору оонньуу арааһынан аралдьытыахтара, алтыһыннара үөрэтиэхтэрэ.

Россия күнүгэр төрөппүттэргэ анаан эҕэрдэ кэнсиэр туруоруохтара, Дьокуускай куоракка «Маһары» спектакль премьератыгар сылдьыахтара.

Саргылана Федорова