От ыйын 5 күнүгэр Күөрдэмҥэ» Сахам сирэ XXI үйэҕэ» өрөспүүбүлүкэтээҕи үтүө дьыала хамсааһынын бырагыраамматынан 8 кыбартыыралаах эдэр испэсэлиистэргэ анаммыт дьиэ бастакы сыбаайата түстэ. Саҥа дьиэни бэдэрээччит «Туйгун» ХЭТ тутар. Эбийиэк үс түһүмэҕинэн тутуллуо, 2026 сыл бүтүүтэ үлэҕэ киирэрэ былааннанар.

Сыбаайа түһүүтүн үөрүүлээх  түгэнигэр » Сахам сирэ XXI үйэҕэ» өрөспүүбүлүкэтээҕи үтүө дьыала хамсааһынын салайааччыта  В.Н.Попов- Дьөппөҥҥө олорор киһи ахсаана 1000 кыранан тиийбэт, онон бу дьиэ тутуллан Күөрдэмҥэ 1000 киһи толору буоларыгар төһүү буоллун –диэтэ. Үтүө дьыала хамсааһынын тэриллиитин туһунан сырдатта. Бастыҥ баҕа санааларын тириэртэ. Санаттахха, бу хамсааһын быйыл тэриллибитэ үйэ чиэппэрин бэлиэтиир. Онон 2-Дьөппөн аҕа баһылыга Константинов  А.Н. эҕэрдэ  тылын, анал статуетканы туттарда. «Хаҥалас улууһа» МО инфраструктура сайдыытын салаатын  начальнига Мартынов А.Н үөрүүбүтүн  үллэһиннэ. Дьөппөннөр саҥа дьиэ бастакы сваята түһүүтүн уруйдаан-айхаллаан көрүстүлэр. Алгыһынан амалыйдылар, арыылаах алаадьынан айах туттулар.

Саҥа дьиэ хаачыстыбалаахтык, кичэллээхтик тутулуннун. Эдэр дьон кэлэн  Дьөппөммүт сайдарыгар, кэҥииригэр төһүү күүс буоллун.

Саргылана Федорова, Күөрдэм