Сайын кэллэ сайа көрдө
Салгын сыта саба биэрдэ
Самаан сайын салаллыытын
Сахам дьоно уруйдаата

Сайбалдьыйар хатыҥнаах,  саамыласпыт бэстэрдээх саамал кымыс ыһыллар  кэрэ сирбитигэр  пааркаҕа- Ньукуолун күнүн көрсө сахалыы таҥастаах далбардар, тумус  туттар эр дьоммут тоҕуоруһан кэлэн дьоһун түһүлгэ тэрийдилэр. Кыһыны быһа мустубут кыдьыгы кыйдаан, аал уоту оттон арыылаах алаадьынан, саламаатынан айах туттулар. Үтүө сайын кэлэрин көрдөстүлэр.

Самаан сайын салаллыбытынан  2 Дьөппөн ТСП главата Ольга Аполлоновна Петухова олохтоохтору, ыалдьыттары эҕэрдэлээтэ. Николай Николаевич Ефимов,  пенсионердар түмсүүлэрин салайааччыта, түмсүү  төрөөбүт күннээх  дьонун эҕэрдэлээн сэмэй бэлэхтэрин туттарда. Мустубут дьон кус мииннээх, алаадьылаах остуолга тобус -толору олорон сайын кэлбит үөрүүтүн саламаатынан айхаллаатылар. «Ситим» КК  коллектива ырыаны- оонньууну оройуттан тутан көхтөөх түһүлгэни тэрийдилэр.