Күөрдэмҥэ А.М.Сидорова аат. «Ситим» КК Аҕам саастаахтар күннэрин көрсө «Восток — дело тонкое» истииллээх биэчэр буолан ааста. Тэрээһиҥҥэ араас омук ураты таҥастарын кэтэн, хааман көрдөрөн, кэпсээтилэр ону сэргэ минньигэс ас астаан аҕалан көхтөөхтүк кытыннылар «Саамай ураты көстүүм» кыайыылааҕынан Л.Н.Николаева уонна «Саамай минньигэс бүлүүдэ» конкурсугар Г.Д.Мордовская кыайан, бирииһинэн наҕараадаланнылар. Биэчэр устата араас оонньууларга кыттан, үҥкүүлээн, ирэ-хоро кэпсэтэн, үөрэн-көтөн тарҕастылар.