🍁🍁🍁🍁🍁🍁🍁🍁🍁🍁🍁
Бала5ан ыйын 25 күнүгэр “Ситим” КК, Саха Өрөспүүбүлүкэтигэр доруобуйа сылыгар. Хаҥалас улууһугар дьиэ-кэргэн экономикатын сайыннарыы сылыгар анаммыт, Саха Өрөспүүбүлүкэтин Судаарыстыбыннаһын күнүн көрсө , тыа хаһаайыстыбатын оҥорон таһаарааччыларын уонна кэтэх хаһаайыстыба бородууксуйатын, ас-үөл атыы-эргиэн дьаарбаҥката буолан ааста.
✨✨✨✨✨✨✨✨✨✨✨
Атыы-эргиэн үөрүүлээх арыллыытыгар истиҥ эҕэрдэлэр. Дьаарбаҥкаҕа нэһилиэк олохтоохторо, «Туллукчаан» о5о уһуйаанын иитээччилэрэ. 2-Дьөппөн оскуолатын агро хайысхата үүннэрэн таһаарбыт оҕуруот аһын, кэтэх хаһаайыстыбаларын борудууксуйатын, кэнсиэрбэлэрин, араас ас эгэлгэтин атыылаатылар.
Ону сэргэ «Мин дойдум-Саха сирэ!», «Көмүс күһүн бэлэҕэ» кинигэлэр, рецептар быыстапкаларын олохтоох модельнай библиотека туруорда. Р.К. Захаров аатынан «Самыртай» музей-комплекс «Саха сирин историятын кэрэһэлиир значоктар, открыткалар» быыстапкатын кэрэхсии көрдүбүт. «Дьикти-дьиибэ оҕуруот аһа» — араас быһыылаах оҕуруот аһын быстапкатыгар Борисова Антонида Семеновна, Киприянова Альбина Егоровна, Ростислав Львов кыттыыны ыллылар. «Күһүҥҥү бэлэх» акцияҕа нэһилиэк олохтоохторо, оҕуруот аһын, сир аһын аҕалан туттардылар, киирбит күһүҥҥү бэлэҕи нэһилиэкпит аҕам саастаахтаргыр илдьэн туттардыбыт. Kerdem_life инстаграм ситимин нөҥүө кырачаан оҕолорго аналлаах «Кырачаан көмөлөһөөччү» — хаартысканан күрэх түмүгүн иһитиннэрдибит уопсайа 17 оҕо кыттыыны ылла.
Тэрээһин түмүгэр ✨«Алаадьы – шоу»✨ кыттааччылара алаадьы арааһын, оҕуруот аһыттан салаат араас көрүҥүн астаан, киэргэтэн көрдөрдүлэр. 1 миэстэ Айталина Львова, 2 миэстэ Лидия Ефимова, 3 миэстэ Раиса Эверстова ыллылар.
Нэһилиэк олохтоохторугар кэлэн көхтөөх кыттыыны ылбыккытыгар махтанабыт!