РАЗМЕР ШРИФТА: A A A

ИЗОБРАЖЕНИЯ ВЫКЛ. ВКЛ.

ЦВЕТ САЙТА Ц Ц Ц

ОБЫЧНЫЙ САЙТ

ЦК «Ситим»

Муниципальное учреждение культуры
Центр культуры "Ситим" с.Кердем Хангаласского улуса Республики Саха (Якутия)

Бүгүн, ахсынньы ый 5 күнүгэр, «СИТИМ» култуура киинигэр Хаҥалас улууһун 2-с Дьөппөн нэһилиэгин 250 сылыгар ананан тахсыбыт » КҮӨРДЭМ» кинигэ сүрэхтэниитэ ыытылынна. Кинигэ матырыйаалын хомуйуутугар, таҥыытыгар, сааһылааһыныгар көмөлөспүт дьоммут, ону тэҥэ, куруутун көмө-ньыма буолар биир дойдулаахтарбыт — Наталья Филипповна, Лариса Давыдовна, Фаина Дмитриевна, Лидия Степановна кыттыыны ыллылар. «КҮӨРДЭМ» кинигэ ис хоһоонугар, тутулугар ырытыһыы, санаа атастаһыыта таҕыста, олус истиҥ тыллар этилиннилэр. Кинигэ тахсыытыгар сүүрбүт-көппүт, сыраларын уурсан кыттыспыт дьоммутугар олохтоох дьаһалта, баһылык Константинов А.Н. аатыттан үөрүүлээх быһыыга-майгыга махтал суруктар туттарылыннылар. Махталбытын тиэрдэбит «Иэйии» вок.ансаамбылыгар, «Сугулаан» эр дьон вок.ансаамбылыгар, «Холумтан» түмсүүтүгэр!??? #дьөппөнүбүлүөйдээхсыла#дьөппөннөр#күөрдэмнэрбарыбииргэ#күөрдэмнэр

Күөрдэмнээҕи норуодунай театр 2017 сылы түмүктүү улахан ситиһиилэннэАхсынньы ый 1-2 күннэригэр Мэҥэ-Хаҥалас Майа сэл. 4-с төгүлүн ыытыллар ССРС народнай артыыһа Дмитрий Федорович Ходулов аатынан «Талааҥҥытынан мин ааппын ааттатаарын» Республикатааҕы народнай театрдар фестиваллара түмүктэннэ. Тыа сиригэр Саха театральнай искусствота сайдарын туһугар бэйэлэрин талааннарынан, баҕаларынан, кыахтарынан оонньуу сылдьар Республика араас муннугуттан кэлбит артыыстар, театр режиссердара биир саалаҕа тоҕуоруһа муһуннулар. Уопсайа, 16 народнай театр биир түһүлгэҕэ кииристэ.Бииртэн биир интириэһинэй испиктээкили көрдүбүт.Фестиваль түмүгүнэн, Күөрдэмнээҕи норуодунай театр 2-с степеннээх Дипломант буоллубутуонна СР культуратын туйгунугар, театр бэринилээх артыыһыгар Степан Дмитриевич Петровка «За лучшую мужскую роль» номинация туттардылар #дьөппөннөр#күөрдэмнэр#күөрдэмнээҕинароднайтеатр

Ахсынньы ый 5 күнүгэр, күнүс 15.00 ч.Хаҥалас улууһун Күөрдэм нэһилиэгин төрүттэммитэ 250 сылыгар ананан тахсыбыт «КҮӨРДЭМ» кинигэ сүрэхтэниитин дьоро киэһэтигэр ыҥырабыт!

Сарсын о.э. ахсынньы ый 3 күнүгэр,? күнүс 12.00 чааска,? Сахалыы Виктория — радиостанцияҕа, FM 104.5 долгуҥҥа «ТУЙМААДА» государственнай вокальнай ансамбль солистката ?, биир дойдулаахпыт ? Татьяна Алексеева саҥа ырыата сүрэхтэнэр,? Анна Барашкова тыл.уо.мат. «Эн биһи» Истиҥ Сэргээн #дьөппөннөр#күөрдэмнэр#биирдойдулаахпыт

Хангаласский кузнец Александр Данилов стал членом гильдии оружейников России. Первый из саха!Он сейчас в Москве на выставке «Арсенал», с ювелиром Олегом Соловьевым.http://rusartknife.org/#дьөппөннөр#күөрдэмнэр

Сэтинньи 25 күнүгэр Күөрдэм нэһилиэгэр 4-с сылын ыытыллар саҥа специалистар айар концертара «САҤА СҮҮРЭЭН» буолан ааста. Быйылгы сезон? «ВСЕ, КАК В КИНО»? диэн ааттанан сонун, улахан түһүлгэни түмтэ. Ол курдук, ыаллыы сытар Тиит Эбэ уонна Хоточчу нэһилиэктэрин эдэр специалистара эмиэ кыттыыны ыллылар. «САҤА СҮҮРЭЭН» проект сылын аайы толору көрөөччүлээх, бииртэн-биир саҥа талааннардаах, дьон-сэргэ сыллата кэтэһэр биир бастыҥ тэрээһинэ буолар. #саҥасүүрээн#таптыыбындьөппөнү#ситимск

Д.Дмитриев түһэриитэ.#таптыыбындьөппөнү#таптыыбындойдубун

Байанай ыйын чэрчитинэн, «Булчут үөрүүтэ» выставка турда. Нэһилиэк дьонун хаартысканан үлэлэрэ үгүс болҕомтону, биһирэбили ылла. Ону сэргэ, «Самартай» музей экспонаттара көрдөрүүгэ турдулар.

Сэтинньи 18 күнүгэр Байанай ыйын чэрчитинэн, «Аҕабынаан Аар айылҕалыын алтыһан» диэн булчут күрэҕэ буолан ааста. Күрэх түмүгүнэн кыайыылаахтар: 1 м.- Скрябин Андрей уонна Решетников Илья; 2 м.- Леонтьев Виктор уонна Леонтьев Костя; 3 м. — Мартынов Владислав уонна Мартынов Рустам; 4 м. — Ефимов Михаил уонна Леонтьев Петя; 5 м.- Киприянов Николай уонна Киприянов Максим. Бу тэрээһиҥҥэ күүс-көмө буолбут дьоммутугар барҕа махталбытын тиэрдэбит! #байанай#дьөппөннөр

Сэтинньи сэттистиир күүрээннээх күнүгэр Күөрдэм нэһилиэгэр Улуу Өктөөп 100 сыллаах үбүлүөйүгэр анаммыт тэрээһин буолан ааста. Бу күн, «Ситим» КК дьиэтигэр уонна «Самартай» музейга сэбиэскэй кэми кэпсиир, үөрэҕирии, олох-дьаһах, үлэ-хамнас сайдыытын кэрэһэлиир нэһилиэк дьоно харыстаан уура сытыарбыт мала-сала, туттар тэриллэрэ быыстапкаҕа турда. А5а саастаах көлүөнэ үөрэн-көтөн туран, аалай кыһыл былаахтаах, улэһит норуот былааһын аҕалбыт Улуу Өктөөпкө анаан киин уулусса устун хаамсан уруйдаатылар. «Самартай» музейыгар бэрт дьоһуннаах митинг ыытылынна, оччотооҕу кэм геройдарыгар- сэбиэскэй былааһы турууласпыттарга, гражданскай сэрии кэмин сиэртибэлэригэр чүмэчи уурулунна. Киэһэ кулууп дьиэтигэр остуол тула олорон ирэ-хоро уруккуну-хойуккуну санастылар, сүргэлэрдиин көтөҕүллэн партия-хомунньуус ырыаларын ыллаатылар. А5а саастаах дьоммутугар Улуу Өктөөп үбүлүөйүнэн э5эрдэлэр этилиннилэр, нэһилиэк дьахталларын сүбэтэ тыыл бэтэрээннэригэр уонна «сэрии о5олоругар» сампааннаах сакалаат бэлэх туттартаатылар. 2-с Дьөппөн орто оскуолатын аатыттан, о5олор бэйэлэрэ хомуйан, хатаран оҥорбут Самартай сыьыытын эмтээх чээйдэрин бэлэх ууннулар. Эр дьон сүбэтэ муҥхаҕа өлүүлээбит Нуочаха собото бырааһынньык остуолугар мииннэнэн, ыһаарыланан биир күндү ас буолла, дьахтар сүбэтин аатыттан минньигэс торт уурулунна. Туман буолбут хонуктар тумулларын кэтэ5эр ааспыт үйэ кирбиилэрин, дьон-норуот олоҕун историятыгар улахан уларыйыыны аҕалбыт кэми күөмчүлүү туппакка, үүнэр көлүөнэҕэ холобур буоларын ситиһии-биһиги иэспит. Бу үтүө тэрээһиҥҥэ кыттыспыт, сүүрбүт-көппүт бар дьоммутугар — нэһилиэк түмсүүлэригэр, олохтоох дьаһалтаҕа, «Самартай» музей улэһитигэр Захарова М.И., модельнай библиотека саҥа специалиһыгар Лебедева Нь.Р., «Ситим»КК үлэһиттэригэр махталбытын тиэрдэбит. (Корр. Иванова А.Я.) #таптыыбындьөппөнү#улууөктөөп#дьөппөнүбүлүөйдээхсыла

1 16 17 18 19