Күндү биир дойдулаахтарбыт, нэһилиэкпит үтүө - мааны дьоно - сэргэтэ. Нам улууһугар ыытыллыбыт Олоҥхо Ыһыаҕар биһи нэһилиэктэн Александрова Олеся Викторовна, Павлова Варвара Романовна, Ефимова Анжелика кыттыыны ылан кэллилэр. Олеся Викторовна ыччаттарга олоҥхо толоруутун күрэҕэр, Варвара Романовна аҕа саастаахтарга оһуохайга, 2-Дьөппөн орто оскуолатын 7 кылааһын үөрэнээччитэ Ефимова Анжелика 12-17 саастарыгар диэри оҕолорго оһуохай күрэҕэр дьоһуннаахтык, ситиһиилээхтик кыттыыны ылан нэһилиэкпит, улууспут аатын ааттаттылар. Варвара Романовна өрөспүүбүлүкэ улахан оһуохайдьыттарын кытта илин - кэлин түһэрсэн, 60 - тан тахса кыттааччыттан сүүмэрдэнэн, түмүктүүр түһүмэххэ 18 кыттааччы иөигэр киирбитэ. Анжелика улахан түһүлгэҕэ кыахтаах этээччилэри кытта тэҥҥэ күрэстэһэн буста - хатта, атын нэһилиэк дьонуттан улахан хайҕабыл ылла, биһирэннэ. Олеся Викторовна улахан түһүлгэҕэ олоҥхону толорууга бастакы холонуутун дьоһуннаахтык толордо. Кыттыыны ылбыт дьоммор инникитин да үгүс ситиһиини ба5арабын. 🏼🏼🏼 Айаммыт сылаатын, кэлии-барыы эрэйин биллэрбэккэ, дьонум диэн бэркэ кыһаллан транспорынан тиэйбит, тэҥҥэ ыалдьыбыт нэһилиэкпит баһылыгар махталбытын тиэрдэбит! 🏼 Өрүү да дьонун туһугар кыһаллар буол, үлэҥ - хамнаһыҥ ситиһиилээх буоллун. *****Ситим култуура киинин дириэктэрэ Иванова А. Я.#күөрдэмнэринникикүөҥҥэ#Күөрдэмнэрбарыбииргэ