«2 Дьөппөн нэһилиэгэ» МТ баһылыга А.Н. Константинов салайааччылаах анал бөлөх СР Ил Дарханын уонна СР Бырабыытылыстыбатын Дьаһалтатын Тыл сайдыытын боппуруостарын сүрүннүүр салалтатын салайааччытын Римма Романовна Жиркованы кытта көрүстэ. 2 Дьөппөн Тыл сайдыытыгар үлэтин программатын тула сүбэлэстибит. Программа сүрүн соруга- саха тылын үйэтитиигэ нэһилиэнньэ бүттүүн үлэлэһиитэ буолар. Бу үлэбитин нэһилиэк тэрилтэлэрин сүбэ мунньаҕар быһаарсан баран » Күөртээх Күөрдэмнэр» диэн ааттаатыбыт. Баар төрүт матырыйаалларга олоҕуран, чинчийии үлэтэ ыытыллыахтаах, бу теманы арыйарга элбэх хайысхалаах үлэ барыахтаах. Түмүгэр уус кыһатын арыйар тылдьыт тахсыахтаах. Онон , бу программанан сиэттэрэн нэһилиэкпит дьонугар -сэргэтигэр ыҥырыы ыыттыбыт. Төрүччүнү чуолкайдыырга, программа ыытар тэрээһиннэригэр көхтөөхтүк кыттарга диэн. Салгыы программа ырытыллан, чопчуланан, ситэриллэн биэриллиэхтээх.
Саргылана Федорова