Кулун тутар 17 күнүгэр Кыһыл Үрүйэ нэһилиэгэр Дьөһөгөй сылыгар аналлаах кылтан-сиэлтэн уус-уран оҥоһуктар, ас-үөл быыстапкатын күрэҕэ буолан ааста. Сүрүн тэрийээччилэр улуустааҕы «Арчы Дьиэтэ» норуот айымньытын дьиэтэ.
2 Дьөппөнтөн Дьөһөгөй айыы сылыгар анаммыт Р.К.Захаров аатынан «Самыртай» музей фондатыттан быыстапка турда. Күрэххэ «Холумтан» түмсүү «Ат толору симэҕэ»диэн композициянан кыттан «Дьөһөгөй симэҕэ» анал аат ыллылар. Ону сэргэ тарбаҕар талааннаах кыл-сиэл ииһин баһылаабыт иистэнньэҥмит Любовь Викторовна Федорова кыл сэлээппэлэринэн кыттан 3 үрдэл аатын ылла, ону тэҥэ ас-үөл быыстапкатыгар 1 үрдэл аатын ыллыбыт.
Ас-үөл күрэҕэр кыттарбытыгар көмө буолбут кэтэх хаһаайыстыбалаах сылгы иитэр дьоммутугар- Лебедев Дмитрий Дмитриевичка, Федоров Роман Афанасьевичка, Скрябин Дмитрий Архиповичка, Лебедев Александр Семеновичка, Платонова Лидия Петровнаҕа, кэлэр-барар транспорынан хааччыйбыт СХПК «Өктөөбүр 50 сыла совхоз», Карамзина Валентина Егоровнаҕа, олохтоох дьаһалта үлэһиттэригэр, Захарова Лена Алексеевнаҕа, Львова Айталина Алексеевнаҕа, маанылаах остуолу киэргэппит Скрябина Ольга Афанасьевнаҕа, ыччат лидерыгар Скрябина Екатерина Аркадьевнаҕа, музей коллективыгар бука барыгытыгар махталбытын тиэрдэбит.
Куруук бу курдук өйөһө- өйдөһө тэрээһиннэргэ көхтөөхтүк кыттан иһиэҕиҥ.

«Ситим» КК🌸